மூக்குத்தி அம்மன் துணையால் வெற்றி பெற்ற ஜோ பைடன் மற்றும் கமலா ஹாரிஸிற்கு வாழ்த்துக்கள் என்று ஆர்.ஜே.பாலாஜி ட்வீட் செய்துள்ளார்.
அமெரிக்காவின் அதிபர் தேர்தலில் குடியரசு கட்சியின் வேட்பாளரான டொனால்ட் டிரம்பை தோற்கடித்து ஜனநாயக கட்சி வேட்பாளரான ஜோ பைடன் 284 சபை ஓட்டுகளை பெற்று அமெரிக்காவின் 46-வது அதிபராக பொறுப்பேற்கவுள்ளார். அமெரிக்காவின் வரலாற்றிலையே 70 மில்லியனுக்கும் அதிகமான வாக்குகளை பெற்று சாதனை படைத்துள்ளார் ஜோ பைடன் . மேலும் துணை அதிபராக இந்திய வம்சாவளி பெண் கமலா ஹாரிஸ் தேர்வாகியுள்ளார் .
இருவருக்கும் பல அரசியல் தலைவர்கள், அமைச்சர்கள் என பலர் வாழ்த்துக்களை தெரிவித்து வரும் நிலையில் நடிகரும் ,இயக்குநருமான ஆர்.ஜே.பாலாஜி வித்தியாசமான பாணியில் வாழ்த்துக்களை தெரிவித்துள்ளார் . அவர் தனது டுவிட்டர் பக்கத்தில் அமெரிக்க தேர்தலில் வெற்றி பெற்ற ஜோ பைடன் மற்றும் கமலா ஹாரிஸ் அவர்களுக்கு மூக்குத்தி அம்மனாக நடித்துள்ள நயன்தாரா ஆசி வழங்குவது போன்ற புகைப்படத்தை பகிர்ந்து மூக்குத்தி அம்மன் துணையால் வெற்றி பெற்ற அமெரிக்க அதிபர் மற்றும் துணை அதிபருக்கு வாழ்த்துக்கள் என்று குறிப்பிட்டுள்ளார் . இந்த புகைப்படம் சமூக வலைத்தளங்களில் அனைவரது கவனத்தையும் ஈர்த்து வைரலாகி வருகிறது .ஆர்.ஜே.பாலாஜி இயக்கத்தில் நயன்தாரா நடித்துள்ள மூக்குத்தி அம்மன் திரைப்படம் நவம்பர் 14-ஆம் தேதி ஓடிடியில் ரிலீஸ் செய்யப்படவுள்ளது குறிப்பிடத்தக்கது.
#MookuthiAmman துணையால் வெற்றிப் பெற்ற American president and Vice President ku வாழ்த்துக்கள்..! ???????????????????????????????????? pic.twitter.com/bCwldOM8CZ
— RJ Balaji (@RJ_Balaji) November 8, 2020
