ஈஸ்வரன் படக்குழுவினருக்கு சிம்புவின் தீபாவளி பரிசு..!
ஈஸ்வரன் படக்குழுவினருக்கு தீபாவளி பரிசாக 1 கிராம் தங்கம், வேட்டி சேலை, இனிப்புகள் என பலவற்றை சிம்பு வழங்கினார்.
நடிகர் சிம்பு மாநாடு படத்திற்கு முன்பு சுசீந்திரன் அவர்களின் இயக்கத்தில் “ஈஸ்வரன்”என்ற ஒரு கிராம கதை கொண்ட படத்தில் நடித்திருந்தார். இதற்காக அவர் உடல் எடையை குறைத்ததும், அந்த புகைப்படங்கள் சமூக வலைத்தளங்களில் வைரலானது குறிப்பிடத்தக்கது. பாலாஜி காப்பா தயாரிக்க தமன்.எஸ் இசையமைக்கும் இந்த படத்தில் சிம்புவுக்கு ஜோடியாக நடிகை நிதி அகர்வால் அவர்கள் நடிக்கிறார். மேலும் சிம்புவின் தங்கையாக நந்திதா ஸ்வேதா நடிக்கவுள்ளதாகவும் கூறப்பட்டது .இப்படத்தின் மோஷன் போஸ்டர் மற்றும் பர்ஸ்ட் லுக் போஸ்டர் ஆயுத பூஜையை முன்னிட்டு வெளியாகி வரவேற்பைப் பெற்றது குறிப்பிடத்தக்கது.
இப்படத்தின் ஷூட்டிங் கடந்த மாதம் திண்டுக்கல்லில் தொடங்கி 40 நாட்கள் படப்பிடிப்பிற்கு பின்னர் வெள்ளிக்கிழமை அன்று முடிவடைந்தது . அதனையடுத்து அடுத்தகட்ட பணியான டப்பிங் பணிகளையும் சிம்பு அவர்கள் முடித்து விட்டதாக நேற்றைய தினம் அறிவித்திருந்தார். அடுத்தாண்டு பொங்கல் விருந்தாக வெளியாகவிருக்கும் . இந்த படத்தினை பொங்கலை முன்னிட்டு ரீலீஸ் செய்ய திட்டமிட்டுள்ளதுடன் டீசரை தீபாவளி அன்று வெளியிட படக்குழுவினர் திட்டமிட்டுள்ளதாக கூறப்படுகிறது. எனவே படத்தின் போஸ்ட் புரொடக்ஷன் விறுவிறுப்பாக நடைபெற்று வருகிறது.
இந்த நிலையில் ஈஸ்வரன் படக்குழுவினருக்கு சிம்பு அவர்கள் தீபாவளி பரிசு வழங்கியுள்ளார். தீபாவளி பண்டிகையை முன்னிட்டு ஒரு கிராம் தங்கம், வேட்டி சேலை , இனிப்புகள் என பலவற்றை ஈஸ்வரன் படத்தில் பணியாற்றிய 400 பேருக்கு பரிசாக சிம்பு வழங்கியுள்ளார். அதனுடன் படத்தில் நடித்த துணை நடிகர்களுக்கு வேட்டி சேலை, இனிப்புகள் என தீபாவளி பரிசை வழங்கினார் . இதனால் சிம்புவிற்கு ஈஸ்வரன் படக்குழுவினர் நன்றியை தெரிவித்துள்ளனர் .
