சற்றுமுன் குஜராத்தை உலுக்கிய நிலநடுக்கம் – 4.2 ரிக்டர் அளவில் பதிவாகியுள்ளது!

சற்றுமுன் குஜராத்தில் உள்ள பரூச், சூரத் ஆகிய இடங்களில் நிலநடுக்கம் ஏற்பட்டுள்ளது, 4.2 ரிக்டர் அளவில் பதிவாகியுள்ளது. 

இந்தியாவின் பல்வேறு மாநிலங்களும் கடந்த சில மாதங்களாக கொரோனா பெருந்தொற்றால் அவதிப்படுவதுடன், வெள்ளப்பெருக்கு, நிலநடுக்கம் மற்றும் நிலச்சரிவாலும் அழிவை சந்தித்து வருகிறது. இந்நிலையில் தற்பொழுது குஜராத் மாநிலத்தில் 3.39 மணியளவில் பயங்கரமான நிலநடுக்கம் ஏற்பட்டுள்ளது. இந்த நிலநடுக்கம் ரிக்டர் அளவுகோலில் 4.2 ஆக பதிவாகியுள்ளதாக நில அதிர்வு தேசிய மையத்தால் அறிவிக்கப்பட்டுள்ளது.

முக்கியமாக குஜராத்தில் உள்ள பரூச் மற்றும் சூரத்தில் தான் அதிகளவு நிலநடுக்கம் ஏற்பட்டுள்ளது. பூமியிலிருந்து 10 அடி ஆழத்தில் நிலநடுக்கம் பதிவாகியுள்ளதாக இந்திய புவியியல் ஆய்வு மையம் சார்பில் தெரிவிக்கப்பட்டுள்ளது. வடக்கு சூரத்தில் இருந்து 53 கி.மீ தூரத்தில்  பதிவாகியுள்ளதாம்.