Whatsapp web யூசர்களுக்கு இதைவிட நற்செய்தி அமையாது.. விரைவில் வெளியாகவுள்ள புதிய அம்சம்!

வாட்ஸ்ஆப் வெப்-ல் வாய்ஸ் காலிங் மற்றும் வீடியோ காலிங் அம்சங்கள் விரைவில் அறிமுகப்படத்தவுள்ளது.

தற்போதுள்ள காலகட்டத்தில் வாட்ஸ்அப் இல்லையென்றால் எதுவுமே இல்லை. அரட்டை. செய்திகள் முதல் ஆன்லைன் கிளாஸ் வரை உள்ளிட்ட நமது அனைத்து பயன்பாட்டிற்கும் உதவுகிறது. மேலும், வெளிநாட்டில் உள்ள உறவினர்கள், நண்பர்களிடம் விடியோ மற்றும் ஆடியோ கால் மூலம் பேசி மகிழலாம்.

ஆனால் வாட்ஸ்ஆப் வெப்-ல் (கணிணியில் உபயோகிக்கும் வாட்ஸ்ஆப்) இந்த ஆடியோ மற்றும் வீடியோ கால் செய்யும் வசதி இல்லை. இந்தநிலையில் வாட்ஸ்அப் நிறுவனம், இந்த வீடியோ மற்றும் ஆடியோ கால் அம்சங்களை வாட்ஸ்அப் வெப் தளத்திற்கு கொண்டுவர வாட்ஸ்அப் வெப் வெர்ஷன் 2.2043.7-ல் சோதனை செய்து வருகிறது. அதனை வாட்ஸ்அப் நிறுவனம் தெரிவித்துள்ளது.

அந்தவகையில் வாட்ஸ்அப் வெப் தளத்தில் பயன்படுத்தும் பொழுது அழைப்புகள் வந்தால், அழைப்புகளை ஏற்க, நிராகரிக்க, ஒரு பாப்-அப் நோட்டிபிகேன் வரும். அதேபோல மற்றொரு சிறிய பாக்ஸ் இருக்கும். அதன்மூலம் நீங்கள் கால் பண்ணி, பேசி மகிழலாம். இந்த சேவைகளை வழங்குவதற்கான சோதனைகள் நடைபெற்று வருகிறதாகவும், வாட்ஸ்அப் வாய்ஸ் காலிங் மற்றும் வீடியோ காலிங் அம்சங்கள் விரைவில் வெளியாகும் என வாட்ஸ்ஆப் நிறுவனம் தெரிவித்துள்ளது.