“7.5% இட ஒதுக்கீடு வழங்கும் சட்டத்தை உடனே அமல்படுத்த வேண்டும்” – எல்.முருகன் வலியுறுத்தல்

by SuryaPosted on October 18, 2020

அரசுப்பள்ளி மாணவர்களுக்கு 7.5% இட ஒதுக்கீடு வழங்கும் சட்டத்தை உடனே அமல்படுத்த வேண்டும் என பாஜக மாநில தலைவர் எல்.முருகன் வலியுறுத்தியுள்ளார்.

பாரத பிரதமர் நரேந்திர மோடியின் சாதனையை குறிப்பிடும் விதமாக சென்னை, தி-நகரில் உள்ள பாஜக அலுவலகத்தில் வைக்கப்பட்டுள்ள சாதனை கொலுவை பாஜக மாநிலத்தலைவர் எல்.முருகன் பார்வையிட்டார். அதன்பின் செய்தியாளர்களை சந்தித்தார்.

அப்பொழுது பேசிய அவர், நீட் தேர்வில் இந்தியளவில் சாதனை புரிந்த அரசுப்பள்ளி மாணவர்களை பாராட்ட வேண்டும் எனவும், மருத்துவ படிப்புகளில் அரசுப்பள்ளி மாணவர்களுக்கு 7.5% உள் இட ஒதுக்கீடு வழங்கும் சட்டத்தை விரைந்து அமல்படுத்த வேண்டும் என வலியுறுத்தினார்.