நடிகர் சங்க படத்தில் நடிக்க பாவனாவிற்கு வாய்ப்பு இல்லை..!

கடந்த 2008-ம் ஆண்டு “டுவென்டி 20” என்ற பெயரில் மலையாள சினிமா நடிகர் சங்கம் சார்பில் தயாரிக்கப்பட்டது. இந்த திரைப்படத்தில் முன்னணி நடிகர்களான  மோகன்லால், மம்மூட்டி, பாவனா, கோபிகா, நயன்தாரா உள்ளிட்ட பல முன்னணி நடிகர்கள் நடித்தனர். இந்த படம் நடிகர் சங்க வளர்ச்சிக்காக இந்த படம் தயாரிக்கப்பட்டது.

இந்த படத்தில் நடிக்க எந்த நடிகர்களும் சம்பளம் வாங்கவில்லை இந்நிலையில், கொரோனா வைரசால் நடிகர், நடிகைகள் வாய்ப்பில்லாமல் உள்ளதால் அவர்களுக்கு உதவ மலையாள நடிகர் சங்கம் ஒரு படத்தை மீண்டும் தயாரிக்க முடிவு செய்தது.

இந்நிலையில், மலையாள நடிகர் சங்க செயலாளர் பாபு கூறுகையில், மலையாள நடிகர் சங்கம் சார்பில் 2-வது திரைப்படம் தயாரிக்க உள்ளது. இப்படத்தில், நடிகை பாவனாவிற்கு வாய்ப்பு அளிக்கப்பட மாட்டாது. அவர் தற்போது நடிகர் சங்க உறுப்பினராக இல்லை, எனவே  வாய்ப்பு வழங்க வேண்டாம் என  தீர்மானிக்கப்பட்டுள்ளதாக அவர்   கூறினார்.