ஒரு சிக்ஸ் அடித்து 100 சிக்ஸர் அடித்தோர் பட்டியலில் இடம்பெறுவாரா தவான்?
இன்று நடைபெறவுள்ள ராஜஸ்தான் – டெல்லி அணிக்கு எதிரான போட்டியில் ஒரு சிக்ஸ் அடித்து 100 சிக்ஸர் அடித்தோர் பட்டியலில் டெல்லி அணியின் அதிரடி வீரர் தவான் இடம்பெறவுள்ளார்.
ஐபிஎல் தொடர் விறுவிறுப்பாக நடைபெற்று வரும் நிலையில், இன்று நடைபெறவுள்ள 23 ஆம் போட்டியில் ராஜஸ்தான் ராயல்ஸ் – டெல்லி கேபிட்டல்ஸ் அணிகள் மோதவுள்ளது. இந்த போட்டி, ஷார்ஜாவில் நடைபெறவுள்ள நிலையில், இரு அணிகளும் 20 முறை நேருக்கு நேர் மோதியுள்ளது.
அதில் ராஜஸ்தான் அணி 11 முறையும், டெல்லி அணி 9 முறையும் வெற்றி பெற்றுள்ளது. மேலும், இன்றைய போட்டியில் வெற்றிபெறும் நோக்குடன் இரு அணிகளும் தீவிர பயிற்சியில் ஈடுபட்டு வருகின்றனர். இந்தநிலையில் டெல்லி அணியில் தொடக்க ஆட்டக்காரர் ஷிகர் தவான், 13 ரன்கள் அடித்தால் டெல்லி அணிக்காக 1000 ரன்கள் அடிக்கவுள்ளார்.
அதுமட்டுமின்றி, 1 சிக்ஸ் அடித்தால் ஐபிஎல் தொடரில் 100 சிக்ஸர் அடித்த வீரர்களின் பட்டியலில் இடம்பெறவுள்ளார். தவானின் இந்த சாதனை மற்றும் புள்ளிப் பட்டியலில் முன்னேற இரு அணிகளும் தீவிரமாக ஆடும் என ரசிகர்கள் எதிர்பார்த்துக் கொண்டிருக்கின்றனர்.
