மருத்துவக் குழு மட்டுமே ஆராய முடியும்- அப்பல்லோ மருத்துவமனை.!

மறைந்த முதல்வர் ஜெயலலிதாவிற்கு வழங்கிய சிகிச்சை பற்றி மருத்துவ நிபுணர் குழு மட்டுமே ஆராய முடியும் என அப்பல்லோ மருத்துவமனை உச்சநீதிமன்றத்தில் தாக்கல் செய்த மனுவில் தெரிவித்துள்ளது.

ஜெயலலிதா மரணம் குறித்து விசாரிக்கும் ஆறுமுகசாமி ஆணைய விசாரணை ஒரு தலைப்பட்சமாகவும், முன்னரே தீர்மானிக்கப்பட்டதாகவும், அதன் வரம்பை மீறுவதாகவும், தவறான எண்ணத்துடனும் உள்ளது என கூறியுள்ளது.

தமிழ்நாட்டின் முதலமைச்சராக இருந்த ஜெயலலிதாவிற்கு உடல்நலக் குறைவு காரணமாக கடந்த  2016-ம் ஆண்டு செப்டம்பர் 22 -ம் தேதி  மருத்துவமனையில் அனுமதிக்கப்பட்டார். பின்னர், 70 நாட்களுக்கும் மேலாக ஜெயலலிதாவிற்குச் சிகிச்சை அளித்த வந்த நிலையில் சிகிக்சை பலனின்றி 2016 -ம் ஆண்டு 5 டிசம்பர் அன்று காலமானார் என்பது குறிப்பிடத்தக்கது.