ராஜஸ்தானில் கண்டறியபட்ட இந்தியாவின் 1328 வது பட்டாம்பூச்சி இனம்.!

கடந்த செப்டம்பர் 5 முதல் கொண்டாடப்படும் பெரிய பட்டாம்பூச்சி மாதத்தில்  இந்தியாவின் 1328 வது பட்டாம்பூச்சி இனங்கள் ராஜஸ்தானில் கண்டுபிடிக்கப்பட்டுள்ளது. துங்கர்பூர் மாவட்டத்தில், சாக்வாராவில் வசிக்கும் பட்டாம்பூச்சி நிபுணரும் ஆசிரியருமான முகேஷ் பன்வார்  “ஸ்பீலியா ஜீப்ரா” என்ற பட்டாம்பூச்சி வகையை கண்டுபிடித்தார்.

இந்நிலையில், கடந்த 15 ஆண்டுகளாக பட்டாம்பூச்சிகள் குறித்து ஆராய்ச்சி செய்து வரும் வாகாட் நேச்சர் கிளப்பின் உறுப்பினரான பன்வார், கடந்த 2014 ம் ஆண்டு நவம்பர் 8,ம் தேதி சாக்வாராவில் உள்ள தன்ராஜ் பண்ணை இல்லத்தில் ஸ்பீலியா ஜீப்ராவைப் பார்த்தார்.

அதிக வேகத்தில், பறக்கும் இந்த பட்டாம்பூச்சி 2.5 சென்டிமீட்டர் அகலத்தைக் கொண்டுள்ளது. ஸ்பியாலியா ஜீப்ரா இனங்கள் பொதுவாக பாகிஸ்தானில் காணப்படுகின்றன. ராஜஸ்தானின் பட்டாம்பூச்சிகள் குறித்து ஆராய்ச்சி செய்து வரும் பன்வார், சுமார் 111 வகையான பட்டாம்பூச்சி இனங்களை கண்டுள்ளார் என்பது குறிப்பிடத்தக்கது.