குட் நியூஸ்: மஹாராஷ்டிராவில் கொரோனாவால் பாதிக்கப்பட்ட 16,104 பேர் வீடு திரும்பினார்கள்!

மகாராஷ்டிராவில் கொரோனாவால் பாதிக்கப்பட்ட மேலும் 16,104 பேர் தொற்றிலிருந்து மீண்டு வீடு திரும்பியதாக சுகாதாரத்துறை அமைச்சகம் தெரிவித்துள்ளது.

இந்தியாவில் பொறுத்தவரை, மகாராஷ்டிராவில் தான் கொரோனா பாதிப்பு அதிகரித்து கொண்டே வருகிறது. அந்த வகையில் மகாராஷ்டிராவில் இன்று ஒரே நாளில் 16,476 பேருக்கு கொரோனா தொற்று உறுதியான நிலையில், அங்கு கொரோனாவால் பாதிக்கப்பட்டவர்கள் எண்ணிக்கை 14,00,922 ஆக உயர்ந்தது.

அம்மாநிலத்தில் கொரோனாவால் மேலும் 394 பேர் உயிரிழந்த நிலையில், உயிரிழந்தோரின் எண்ணிக்கை 37,056 ஆக அதிகரித்துள்ளது. மேலும் அங்கு 16,104 பேர் குணமடைந்து வீடு திரும்பியதால், குணமடைந்தோரின் எண்ணிக்கை 11,04,426 ஆக உயர்ந்துள்ளது.

அதுமட்டுமின்றி, மகாராஷ்டிராவில் 2,59,0006 பேர் கொரோனா தொற்றுக்கு சிகிச்சை பெற்று வருவதாக அம்மாநில சுகாதாரத்துறை அமைச்சகம் தெரிவித்தது.