பாடகர் எஸ்.பி. பாலசுப்ரமணியம் உடல் நாளை நல்லடக்கம்.!

செங்குன்றம் தாமரைப்பக்கத்தில் உள்ள பண்ணை வீட்டில் பாடகர் எஸ்.பி. பாலசுப்ரமணியம் உடல் நாளை நல்லடக்கம் செய்யப்படும் என்று தெரிவிக்கப்பட்டுள்ளது.

கொரோனாவால் பாதிக்கப்பட்ட எஸ்.பி.பி. சுப்பிரமணியம் கடந்த 50 நாட்களுக்கு மேலாக மருத்துவமனையில் சிகிச்சை பெற்று வந்த நிலையில், இன்று பிற்பகல் 1.04 மணிக்கு காலமானார். அவரது மறைவு திரையுலகினரிடையே பெரும் சோகத்தை ஏற்படுத்தியுள்ளது. அவருக்கு பிரதமர் உள்ளிட்ட பல அரசியல் தலைவர்கள், கிரிக்கெட் வீரர்கள் என பலரும் இரங்கல் தெரிவித்து வருகின்றனர்.

மறைந்த எஸ்.பி.பாலசுப்ரமணியம் உடல் மருத்துவமனையில் இருந்து நுங்கப்பாக்கத்தில் உள்ள அவரது வீட்டிற்கு எடுத்து செல்லப்பட்டு, பொதுமக்கள் அஞ்சலிக்காக வைக்கப்பட்டுள்ளது. சினிமா பிரபலங்கள் உட்பட பலரும் அஞ்சலி செலுத்தி வருகின்றனர். எஸ்.பி.பி உடல் நாளை காலை வரை அஞ்சலிக்காக வைக்கப்படும். பின்னர் திருவள்ளூர் மாவட்டம் செங்குன்றம் தாமரைப்பக்கத்தில் உள்ள பண்ணை வீட்டில் பாடகர் எஸ்.பி. பாலசுப்ரமணியம் உடல் நாளை நல்லடக்கம் செய்யப்படும் என்று தெரிவிக்கப்பட்டுள்ளது.