எல்லாம் ஒரே நேர்க்கோட்டில் இருக்கு…. பாண்டியா…!

ஐபிஎல் தொடரின் 13வது சீசன் வருகின்ற சனிக்கிழமை இரவு 7.30 மணிக்கு ஐக்கிய அரபு அமீரகத்தில் நடக்கிறது. இந்த ஐபிஎல் தொடரின் முதல் போட்டியில் சென்னை அணியும் மும்பை இந்தியன்ஸ் அணியும் மோதவுள்ளது. மேலும் இந்த வருடம் நடைபெறவுள்ள ஐபிஎல் போட்டியை காண அணைத்து ரசிகர்களும் ஆவலுடன் காத்துள்ளார்கள்.

மேலும் சென்னை சூப்பர் கிங்ஸ் அணி மற்றும் மும்பை இந்தியன்ஸ் இரண்டு அணியும் வெற்றிபெறவேண்டும் என்ற நோக்கத்துடன் கடினப்பயிற்சியில் ஈடுபட்டு வருகின்றார்கள். இந்த நிலையில் சமீபத்தில் மும்பை இந்தியன்ஸ் அணியின் தனது ட்வீட்டர் பக்கத்தில் ஆல்ரவுண்டர் ஹர்திக் பாண்டியா பேசிய வீடியோ ஒன்றை வெளியிட்டிருந்தனர்.

அந்த வீடியோவில் ஹர்திக் பாண்டியா கூறியது தற்பொழுது என்னுடைய உடல் மற்றும் மன நிலையை இரண்டும் சிறப்பாக உள்ளது. ஐபிஎல் போட்டிக்கு சிறப்பாக பயிற்சி எடுத்து போட்டிக்காக காத்துள்ளேன். மேலும் எவ்வளவு காலங்கள் போட்டியில் இருந்து விலகி இருக்கிறோம் என்பது முக்கியமில்லை.

மீண்டும் வரும்போது நாம் எவ்வாறு நம் திறமையை வெளிப்படுத்துகிறோம் என்பதே முக்கியம் என்றும் கூறியுள்ளார். மேலும் அதனை தொடர்ந்து பேசிய ஹர்திக் பண்டியா வரும் போட்டிகளில் மிகவும் பொருத்தமாக பங்கேற்று சிறப்பாக விளையாட ஆவலுடன் காத்திருக்கிறேன் என்று கூறியுள்ளார்.