தீபாவளிக்கு ஓடிடியில் வெளியாகும் சக்ரா…?

விஷால் நடிப்பில் உருவாகியுள்ள திரைப்படங்களில் ஒன்று ‘சக்ரா’. இந்த படத்தின் படப்பிடிப்பு ஊரடங்கிற்கு முன்பு முடிவடைந்தது. இந்த படத்தை எம். எஸ். ஆனந்த் இயக்குகிறார். யுவன் ஷங்கர் ராஜா இசையமைக்கும் இந்த படத்திற்கு பாலசுப்பிரமணியம் ஒளிப்பதிவு செய்கிறார்.

மேலு‌ம் விஷாலின் தயாரிப்பு நிறுவனமான விஷால் பிலிம் பேக்டரி தயாரிக்கும் இந்தப் படத்தில் ரெஜினா கெசன்ட்ரா, ஷ்ரத்தா ஸ்ரீநாத் ஆகியோர் கதாநாயகியாக நடிக்கின்றனர். இந்நிலையில் மேலும் அவர்களுடன் ரோபோ சங்கர், மனோபாலா, சிருஷ்டி டாங்கே ஆகியோரும் முக்கிய வேடங்களில் நடித்துள்ளனர்.

இதன் பர்ஸ்ட் லுக் போஸ்ட்ர் அண்மையில் வெளியாகி வரவேற்பைப் பெற்றது. மேலும் சமீபத்தில் போஸ்ட் புரொடக்ஷன் பணிகளை தொடங்கியுள்ளதாக அறிவித்திருந்ததை அடுத்து தமிழ், தெலுங்கு, மலையாளம் மற்றும் கன்னடம் ஆகிய மொழிகளில் மிரட்டலாக டிரைலர் வெளியாகி ரசிகர்கள் மத்தியில் பெரும் வரவேற்பைப் பெற்றது .

இந்த நிலையில் தற்போது இந்த படத்தை ஓடிடியில் இந்த வருடம் தீபாவளிக்கு வெளியிடுவதாக தகவல்கள் வெளியாகியுள்ளது, ஆனால் இதற்கான அதிகார்வப்பூர்வ அறிவிப்பு விரைவில் விஷால் தரப்பிலிருந்து அறிவிக்கப்படும் என்று கூறப்படுகிறது.