மாநிலங்களவைக்கு தேர்வான புதிய எம்.பி.க்கள் பதவியேற்பு

மாநிலங்களவைக்கு தேர்வான புதிய உறுப்பினர்கள் பதவியேற்றுள்ளனர்.

தமிழகத்தில் இருந்து காலியாக உள்ள 6 மாநிலங்களவை பதவிகளுக்கான தேர்தல் நடைபெற்றது. இதில் திமுக சார்பில் திருச்சி சிவா, அந்தியூர் செல்வராஜ், என்.ஆர்.இளங்கோ ஆகியோர் தேர்வு செய்யப்பட்டனர். அதிமுக சார்பில் கட்சியின் துணை ஒருங்கிணைப்பாளர் கே.பி.முனுசாமி, முன்னாள் துணை சபாநாயகர் தம்பிதுரை, த.மா.கா. தலைவர் ஜி.கே.வாசன் ஆகியோர் தேர்வு செய்யப்பட்டனர்.தமிழகத்தில் இருந்து மாநிலங்களவைக்கு போட்டியிட்ட 6 பேரும் போட்டியின்றி தேர்வு செய்யப்பட்டனர்.

கடந்த ஜூலை மாதம் அதிமுக சார்பில் மாநிலங்களவைக்கு தேர்வு செய்யப்பட்ட கே.பி.முனுசாமி, தம்பிதுரை, த.மா.கா. தலைவர் ஜி.கே.வாசன் ஆகியோர் பதவியேற்றனர். இன்று மாநிலங்களவை கூட்டம் தொடங்கியது.இரவு 7 மணிவரை கூட்டம் நடைபெறுகிறது. இந்நிலையில் தான்  மாநிலங்களவைக்கு தேர்வான புதிய உறுப்பினர்கள் பதவியேற்றுள்ளனர். திமுகவைச் சேர்ந்த திருச்சி சிவா, அந்தியூர் செல்வராஜ், என்.ஆர். இளங்கோ ராஜ்யசபா எம்.பி.க்களாக பதவியேற்றுள்ளனர்.