GST- வரி குறைப்பு : எந்தெந்த பொருட்களில் எவ்வளவு விகிதம் குறைந்துள்ளது.?

ஜி.எஸ்.டி.க்கு முந்தைய வரியை ஒப்பிடுகையில், ஜி.எஸ்.டி முறை அமல்படுத்தப்பட்ட பிறகு வரி குறைந்துள்ளதாக மத்திய நிதியமைச்சர் நிர்மலா சீதாராமன் தெரிவித்துள்ளார்.

முன்னாள் நிதியமைச்சர் அருண் ஜெட்லியின் நினைவு நாள் இன்று அனுசரிக்கப்படுகிறது. இதுகுறித்து தற்போதுள்ள நிதியமைச்சர் கூறுகையில், ஜி.எஸ்.டி.,யை அமல்படுத்துவதில் அவர் ஆற்றிய பங்கு இன்றியமையாதது என்றும் இந்திய வரிவிதிப்பில் மேற்கொள்ளப்பட்ட சீர்திருத்தங்களில் ஜிஎஸ்டி, வரலாற்று சிறப்புமிக்கதாக இருக்கும் என சுட்டிக்காட்டியுள்ளார். இந்த திட்டத்தின் கீழ் வரி செலுத்துவோரின் எண்ணிக்கை பலமடங்கு அதிகரித்துள்ளதாகவும் கூறியுள்ளார்.

ஜி.எஸ்.டி.க்கு முந்தைய வரியை ஒப்பிடுகையில், ஜி.எஸ்.டி முறை அமல்படுத்தப்பட்ட பிறகு வரி குறைந்துள்ளதாக மத்திய நிதியமைச்சர் நிர்மலா சீதாராமன் தெரிவித்துள்ளார். அதாவது, பொதுவாக ஹேர் ஆயில், டூத் பேஸ்ட் மற்றும் சோப் போன்ற பொருட்களுக்கு முந்தைய காலத்தில் 29.3 சதவீதம் வரி விதிக்கப்பட்டது. இப்போது ஜி.எஸ்.டி.யில் 18 சதவீதமாகக் குறைந்துள்ளது. தினமும் பயன்படுத்தப்படும் பொருட்கள் மீதான வரி பெரும்பாலும் பூஜ்யத்தில் இருந்து 5% ஆக உள்ளது. பொதுவாக மலிவு வீடுகளுக்கு 5% மற்றும் 1% ஆக அதிகரித்துள்ளன. உணவகமும் 5% வரை கொண்டு வரப்பட்டுள்ளது.

அதேநேரத்தில் அரிசி, கோதுமை, மாவு, இயற்கை தேன் ஆகியவை மீதான ஜி.எஸ்.டி ரத்து செய்யப்பட்டுள்ளது. எண்ணெய் வகைகள் மீதான ஜி.எஸ்.டி 6 லிருந்து 5 சதவீதமாக குறைக்கப்பட்டுள்ளது.  வேளாண் துறைக்கு ஜிஎஸ்டியில் பல வகையான விலக்கு அளிக்கப்பட்டுள்ளது. உரங்கள் மீதான ஜிஎஸ்டியில் வரி விகிதம் கிட்டத்தட்ட பாதியாகிவிட்டது. இதேபோல், விவசாய ஆலைகளின் வரி விகிதம் 15 முதல் 18 சதவீதமாகவும், சில சந்தர்ப்பங்களில் 8 முதல் 5 சதவீதமாகவும் குறைக்கப்பட்டுள்ளது.

மேலும் கால்நடை தீவனம், நீர்வாழ் தீவனம் மற்றும் கோழி தீவனம் அனைத்தும் ஜிஎஸ்டியில் பூஜ்ஜிய விகிதத்தில் வைக்கப்படுகின்றன. இதனையடுத்து எல்லா வகையான விதைகளுக்கும் இது பொருந்தும். வேளாண் செயல்பாட்டில் பயன்படுத்தப்படும் இந்த முக்கியமான கூறுகளுக்கு ஜிஎஸ்டி முறையின் கீழ் எந்தவொரு வரியும் இல்லை என்றும் தெரிவிக்கப்பட்டுள்ளது. தற்போது அதற்கான ஒப்பீடு பட்டியலும் வெளியிடப்பட்டுள்ளது.

GST- வரி குறைப்பு : எந்தந்த பொருட்களில் எவ்வளவு குறைந்துள்ளது.!#GST #nirmalasitharaman @FinMinIndia pic.twitter.com/Am4dBWMmpi

— Dinasuvadu Tamil (@DinasuvaduTamil) August 24, 2020