“பாடும் நிலா” எஸ்.பி.பி உடல் நலம் தேறி வருகிறது மகிழ்ச்சி – மு.க ஸ்டாலின்

மருத்துவமனையில் சிகிச்சை பெற்றுவரும் எஸ்.பி.பி உடல் நலம் தேறி வருகிறது என்ற செய்தி மகிழ்ச்சியளிக்கிறது என ஸ்டாலின் ட்வீட்.

பாடகர் எஸ்.பி. பாலசுப்பிரமணியனுக்கு கடந்த 5-ம் தேதி கொரோனா தொற்று உறுதியாகி சென்னை சூளைமேட்டில் உள்ள தனியார் மருத்துவமனையில் அனுமத்திக்கப்பட்டார். பின் கடந்த 13-ம் தேதி அவருடைய உடல்நிலை மோசம் அடைந்தது. அவர் தீவிர சிகிச்சை பிரிவுக்கு மாற்றப்பட்டார்.

எஸ்.பி. பாலசுப்பிரமணியனை  உடல்நலம் குறித்து மருத்துவமனை நிர்வாகம் அவ்வப்போது அறிக்கை வெளியிட்டு வருகிறது.  இந்நிலையில், நேற்று அவரது மகன் எஸ்.பி.பி சரண் கூறுகையில்,  அப்பா உடல் நிலையில் முன்னேற்றம் ஏற்பட்டுள்ளது என கூறினார். 

இதற்கிடையில் அவர் விரைவில் குணமடைந்து மீண்டு வர திரையுலகினர் மட்டுமின்றி பலரும் தங்களது பிரார்த்தனைகளை பதிவிட்டு வருகின்றனர்.

அந்த வகையில் இன்று திமுக தலைவர் ஸ்டாலின் தனது ட்வீட்டர் பக்கத்தில் கொரோனா காரணமாக மருத்துவமனையில் சிகிச்சை பெற்றுவரும் “பாடும் நிலா” எஸ் பி பி உடல் நலம் தேறி வரும் என்ற செய்தி மகிழ்ச்சியளிக்கிறது. இனிய குரலால் மக்களின் மன அழுத்தத்திற்கு சிகிச்சை அளித்த SPB அவர்கள் விரைந்து முழு உடல்நலன் பெற்று மீண்டும் தன் பயணத்தைத் தொடரட்டும் என்று குறிப்பிட்டுள்ளார்.