தானே மாவட்டத்தில் உள்ள கட்டுப்பாட்டு பகுதிகளில் ஊரடங்கு நீட்டிப்பு.!
தானே மாவட்டத்தில் கட்டுப்பாட்டு பகுதிகளில் வரும் 31-ஆம் தேதி வரை ஊரடங்கு அமல்.
கொரோனா வைரஸ் காரணமாக நாடு முழுவதும் ஊரடங்கு அமல்படுத்தப்பட்டுள்ளது. சமீபத்தில் மத்திய அரசு 3 -ம் கட்ட ஊரடங்கு தளர்வுகளை அறிவித்தது. ஆனாலும், கொரோனா அதிகம் உள்ள மாநிலங்களில் ஊரடங்கு நீட்டிக்கப்பட்டு வருகிறது.
இந்நிலையில், மஹாராஷ்டிரா மாநிலத்தில் உள்ள தானே மாவட்டத்தில் கொரோனா வைரஸ் காரணமாக அங்கு உள்ள கட்டுப்பாட்டு பகுதிகளில் வரும் 31-ஆம் தேதி வரை ஊரடங்கு அமல்படுத்தப்பட்டுள்ளது.
இதுகுறித்து மாவட்ட கலெக்டர் ராஜேஷ் நர்வேகர் கூறுகையில், தானே மாவட்டத்தில் கட்டுப்பாட்டு மண்டலங்கள் இல்லாத பகுதிகளில் ஊரடங்கில் தளர்வுகள் வழங்கப்படுகிறது. மாநில அரசு வழிகாட்டுதல்கள் தானே புறநகர், நகராட்சி, பஞ்சாயத்துகளுக்கும் பொருந்தும் என தெரிவித்தார்.
