எச்.டி.எஃப்.சி வங்கியில் உள்ள தனது பங்கை ரூ. 842 கோடிக்கு விற்ற ஆதித்யா பூரி.!

எச்.டி.எஃப்.சி வங்கியின் நிர்வாக இயக்குனர் ஆதித்யா பூரி தனது பங்கு பங்குகளில் 74.2 லட்சம் பங்குகளை (அதாவது 95 சதவீதத்தை) ரூ . 842.87 கோடிக்கு  ஜூலை 21-23 தேதிகளில் விற்றுள்ளதாக பங்குச் சந்தை தாக்கல் செய்த அறிக்கையில் தெரிவிக்கப்பட்டுள்ளது.

இந்த பங்குளை விற்பதற்கு முன்பு, ஆதித்யாபூரி மொத்தமாக 77.96 லட்சம் பங்குகளை அல்லது வங்கியின் பங்கு மூலதனத்தின் 0.14 சதவீத பங்குகளை வைத்திருந்தார். இப்போது, 74.2 லட்சம் பங்குகளை விற்றதால்அவருக்கு 0.01 சதவீத பங்கு அல்லது 3.76 லட்சம் பங்குகள் உள்ளன.

2019-20 நிதியாண்டில் அதிக சம்பளம் வாங்கிய வங்கியாளராக ஆதித்யா பூரி உள்ளார். அவரது சம்பளம் முந்தைய ஆண்டை விட 38 சதவீதம் அதிகரித்து ரூ .189.92 கோடியாக உள்ளது. வங்கி கடந்த வாரம் தனது க்யூ 1 நிதியாண்டு முடிவுகள் வெளியிடப்பட்டது. அதில், 19.6 சதவீதம் அதிகரித்து, க்யூ 1 நிதியாண்டில் ரூ .5,568.16 கோடியிலிருந்து, ரூ .6,658.62 கோடியாக அதிகரித்துள்ளது.

மேலும், அதன் நிகர வட்டி வருமானம் 17.8 சதவீதம் அதிகரித்து ரூ .13,294.3 கோடியிலிருந்து ரூ .15,665.4 கோடியாக அதிகரித்துள்ளது.  இது 20.9 சதவீத அதிகரித்து முன்னேற்றங்களின் வளர்ச்சியில் ரூ .10,03,299 கோடியாகவும், 24.6 சதவீதம் அதிகரித்து வைப்புத்தொகை ரூ .111,89,387 ஆகவும் இருந்தது.

கடந்த ஏப்ரல் மாதத்தில் ( Instant Account App) மூலம் ஊரடங்கின் போது  எச்.டி.எஃப்.சி வங்கி 2.5 லட்சம் புதிய வாடிக்கையாளர்களைச் சேர்த்துள்ளதாக பி.டி.ஐ தெரிவித்துள்ளது. எச்.டி.எஃப்.சி வங்கியில் 2020 ஜூன் 30 நிலவரப்படி 2,825 நகரங்களில் 5,326 கிளைகள் மற்றும் 14,996 ஏடிஎம்கள்  உள்ளது. கடந்த ஜூன் 30, 2019 நிலவரப்படி 2,764 நகரங்களில் 4,990 கிளைகள் மற்றும்  13,727 ஏடிஎம்கள் இருந்து என்பது குறிப்பிடத்தக்கது.