மின்கட்டண விவகாரம் – கருப்புச்சட்டை அணிந்து ஸ்டாலின் ஆர்ப்பாட்டம்

மின்கட்டண குழப்பத்தை நீக்க வேண்டும் என வலியுறுத்தி திமுகவினர் ஆர்ப்பாட்டத்தில் ஈடுபட்டுள்ளனர்.

தமிழகத்தில் மின் கட்டணம் வழக்கத்தைவிட அதிகமாக வசூலிப்பதாக பல புகார்கள் எழுந்தது.இதையடுத்து,  மின்சார வாரியம் சார்பில் அளிக்கப்பட்ட விளக்கத்தில் , ஊரடங்கால் மக்கள் வீடுகளிலேயே இருந்ததால் மின்கட்டணம் உயர்ந்துள்ளது  என்று  விளக்கம் கொடுத்தது.

இதனிடையே மின்கட்டண உயர்வு உள்ளிட்ட விவகாரம் குறித்து   காணொலியில் திமுக மாவட்ட செயலாளர், எம்பிக்கள், எம்எல்ஏக்களுடன் கட்சி தலைவர் மு.க.ஸ்டாலின் ஆலோசனை மேற்கொண்டார்.இந்நிலையில் மின்கட்டண உயர்வை கண்டித்து இன்று  தமிழகம் முழுவதும் திமுக சார்பில் ஆர்ப்பாட்டம் நடைபெறும் என அறிவிப்பு வெளியிடப்பட்டது.திமுகவினர் தங்கள் வீடுகள் முன் கருப்புக் கொடி ஏந்தி ஆர்ப்பாட்டம் நடத்த உள்ளதாகவும் தெரிவிக்கப்பட்டது.

இந்நிலையில் மின் கட்டண கணகீட்டு குளறுபடிகளை கண்டித்தும் மின் கட்டணத்தை தவணை முறையில் செலுத்த சலுகை வழங்கக்கோரியும் திமுக தலைவர் மு.க.ஸ்டாலின் கறுப்பு சட்டையுடன், கறுப்பு கொடியேந்தி ஆர்ப்பாட்டத்தில் ஈடுபட்டுள்ளனர்.கனிமொழி, துரைமுருகன், தயாநிதிமாறன் உள்ளிட்ட திமுகவினரும்  ஆர்ப்பாட்டத்தில் ஈடுபட்டுள்ளனர்.