கமலின் ‘வேட்டையாடு விளையாடு 2’ ல் இணையும் கீர்த்தி.?
கமல்ஹாசனின் வேட்டையாடு விளையாடு 2 ல் கீர்த்தி சுரேஷ் நடிக்கவுள்ளதாக தகவல்கள் வெளியாகியுள்ளன.
நடிகை கீர்த்தி சுரேஷ் நடிப்பில் சமீபத்தில் பெங்குயின் படம் அமேசான் பிரேமில் வெளியாகி ரசிகர்கள் மத்தியில் பெரும் வரவேற்பைப் பெற்றது. அதனையடுத்து ரஜினியுடன் அண்ணாத்த படத்தில் கமிட்டாகியுள்ளார். அதில் அவர் ரஜினிகாந்திற்கு சகோதரியாக நடிப்பதாக கூறப்படுகிறது அது மட்டுமின்றி தெலுங்கு சூப்பர் ஸ்டாரான மகேஷ் பாபுவின் SarkaruVaariPaata படத்தில் கீர்த்தி சுரேஷ் நடிக்கவுள்ளார்.
இந்த நிலையில் தற்போது இவர் கமல்ஹாசனின் வேட்டையாடு விளையாடு 2 – ல் நடிக்க போவதாக சில தகவல்கள் வெளியாகியுள்ளன. கௌதம் வாசுதேவ் மேனன் இயக்கத்தில் கமல் நடிப்பில் வெளியான திரைப்படம் வேட்டையாடு விளையாடு. இந்த படத்தின் இரண்டாம் பாகத்தை எடுக்க முடிவு செய்துள்ளதாகவும், அதனை வேல்ஸ் பிலிம் இன்டர்நேஷனல் தயாரிப்பதாகவும் கூறப்பட்டது. முதலில் இந்த படத்தில் அனுஷ்கா நடிப்பதாக தகவல்கள் வெளியாகியது. ஆனால் தற்போது கீர்த்தி சுரேஷ் நடிக்கவுள்ளதாக கூறப்படுகிறது. இந்த படம் இரட்டை ஹீரோயின்களை கொண்டதா? அல்லது அனுஷ்காவிற்கு பதிலாக கீர்த்தியா? என்பது அதிகாரப்பூர்வ அறிவிப்பு வெளியானால் தான் தெரிய வரும்.
