எனக்கு பிடித்த பேட்டிங் பார்ட்னர் தோனி தான்.! ஆனால்…. – ரிஷப் பண்ட் விளக்கம்.!

எனக்கு பிடித்த பேட்டிங் பார்ட்னர் தோனி தான். ஆனால், அவருடன் அதிகமாக பேட்டிங் செய்ய வாய்ப்பு கிடைத்தது இல்லை. – இந்திய கிரிக்கெட் அணி வீரர் ரிஷப் பண்ட் பேட்டி.

இந்திய கிரிக்கெட் அணியின் இளம் வீரரும் விக்கெட் கீப்பருமான ரிஷப் பண்ட் அண்மையில், டெல்லி கேபிட்டல்ஸ் அணி நடத்திய ஆன்லைன் இண்டெர்வியூவில் கலந்துகொண்டார். அதில், இந்திய கிரிக்கெட் அணியின் முன்னாள் கேப்டன் தோனி பற்றி பல்வேறு விஷயங்ளை பகிர்ந்து கொண்டார்.

ஐபிஎல் போட்டிகளில் டெல்லி கேபிட்டல்ஸ் அணியின் வீரராக களமிறங்குகிறார் இந்திய கிரிக்கெட் அணி வீரர் ரிஷப் பண்ட். இவர் டெல்லி கேபிட்டல்ஸ் அணி நடத்திய இண்டெர்வியுவில் கலந்துகொண்டார்.

அதில் பேசிய அவர் இந்திய கிரிக்கெட் அணியின் முன்னாள் கேப்டன் தோணியுடன் பேட்டிங் பார்ட்னராக களமிறங்குகையில் பேட்டிங் மிக சுலபமாக இருக்கும். எனக்கு பிடித்த பேட்டிங் பார்ட்னரும் அவர்தான். மேலும், அவர் விக்கெட் கீப்பராக களத்தில் இருக்கும் போது நாம் எதுவும் புதியதாக செய்ய வேண்டியதில்லை. அவரை அப்படியே பின்பற்றினாலே போதும். எனவும் குறிப்பிட்டுள்ளார். ஆனால், எனக்கு அவருடன் பெட்டிங் செய்யும் வாய்ப்பு கொஞ்சம் தான் கிடைத்தது என குறிப்பிட்டுள்ளார்.

மேலும், கோலி மற்றும் ரோஹித் உடன் விளையாடுவது எனக்கு மிகவும் மகிழ்ச்சி தருகிறது எனவும் அந்த ஆன்லைன் நேர்காணலில் தெரிவித்துள்ளார்.