மேகா ஆகாஷ், பாலிவுட்டில் சல்மான்கான் நடிக்கும் படத்தில் நடிக்கவுள்ளதாக கூறப்படுகிறது.
கார்த்திக் சுப்பராஜ் இயக்கத்தில் ரஜினி நடிப்பில் வெளியான பேட்ட படத்தின் மூலம் தமிழ் சினிமாவில் அறிமுகமானவர் மேகா ஆகாஷ். அதனையடுத்து சிம்புவுடன் வந்தா ராஜாவாதான் வருவேன், அதர்வாவுடன் போம்ராங், தனுஷூடன் எனை நோக்கி பாயும் தோட்டா உள்ளிட்ட பல படங்களில் நடித்து ரசிகர்கள் மனதில் இடம் பிடித்தார். தமிழில் மட்டுமில்லாமல் தெலுங்கிலும் Lie, Chal Mohan Ranga ஆகிய படங்களிலும், பாலிவுட்டில் Sooraj Pancholi என்ற படத்தின் மூலம் கடந்தாண்டு அறிமுகமானார் மேகா.
இந்த நிலையில் தற்போது பாலிவுட்டின் முன்னணி நடிகரான சல்மான் கான் நடிக்கும் படத்தில் மேகா ஆகாஷ் நடிக்கவுள்ளதாக சில தகவல்கள் வெளியாகியுள்ளன. பிரபுதேவா இயக்கும் ‘ராதே’ என்னும் படத்தில் சல்மான் கான் மற்றும் பரத் ஆகியோர் போலீஸ் அதிகாரியாக நடிக்கவுள்ளார் என்பது குறிப்பிடத்தக்கது.
