மொபைல் போன்களிலிருந்து சீன பயன்பாடுகளை நீக்குபவர்களுக்கு இலவச முகமூடி! – பாஜக எம்எல்ஏ அனுபமா ஜெய்ஸ்வால்

மொபைல் போன்களிலிருந்து சீன பயன்பாடுகளை நீக்குபவர்களுக்கு இலவச முகமூடி.

கல்வான் பள்ளத்தாக்குப்பகுதியில் இந்திய, சீன ராணுவத்தினருக்கு இடையே நடந்த மோதலில் 20 இந்திய ராணுவவீரர்கள் வீர மரணம் அடைந்தனர். இந்த சம்பவத்துக்குப்பின் இந்தியாவில், சீனாவுக்கு எதிரான மனநிலை வலுத்து வருகிறது.

இந்நிலையில், சீனாவைச் சேர்ந்த 59 செல்போன் செயலிகளுக்கு அதிரடியாக தடை விதித்து மத்திய அரசு உத்தரவிட்டது.  இதனையடுத்து, உத்திர பிரதேசத்தில், பாஜக எம்.எல்.ஏ ஒருவர் தங்கள் மொபைல் போன்களில் இருந்து சீன பயன்பாடுகளை நீக்கும் அனைவருக்கும் இலவச முகமூடிகளை வழங்கும் பிரச்சாரத்தைத் தொடங்கினார்.

இதுகுறித்து, உள்ளூர் பாஜக எம்எல்ஏ அனுபமா ஜெய்ஸ்வால் அவர்கள் கூறுகையில், நாட்டில் 59 சீன  செயலிகளை மத்திய அரசு தடைசெய்த பின்னர், சீன பயன்பாடுகளை நீக்குவதற்கு இலவச முகமூடிகளை வழங்கும் பிரச்சாரத்தை நான் தொடங்கினேன்” என்று தெரிவித்துள்ளார்.