சசிகலாவின் கணவர், நடராஜனின் உடல்நிலை கவலைக்கிடம்.!

புதிய பார்வை பத்திரிகையின் ஆசிரியரும் சசிகலாவின் கணவருமான நடராஜனுக்கு நேற்று இரவு திடீரென உடல்நலக்குறைவு ஏற்பட்டது. இதனையடுத்து அவர் சென்னை பெரும்பாக்கத்தில் உள்ள குளோபல் மருத்துவமனையில் அனுமதிக்கப்பட்டுள்ளார். அங்கு அவருக்கு தீவிர சிகிச்சை அளிக்கப்படுகிறது. இதற்கு முன்னதாக, கடந்த சில மாதங்களுக்கு முன்பு உறுப்பு மாற்று அறுவை சிகிச்சை செய்து கொண்டு ஓய்வில் இருந்தார். இந்த நிலையில், நேற்று அவருக்கு திடீரென்று நெஞ்சுவலி ஏற்பட்டுள்ளது.

தற்போது தீவிர சிகிச்சைப் பிரிவில் அனுமதிக்கப்பட்டுள்ள கணவர் நடராஜனை பார்க்க பெங்களூர் பரப்பன அக்ரஹார சிறையில் உள்ள சசிகலா பரோல் கேட்டு மனு அளித்துள்ளார். ஆனால், சசிகலாவின் நெருங்கிய உறவினர்களின் மரணத்தைத் தவிர வேறு எந்தக் காரணத்திற்காகவும் இன்னும் 6 மாதங்களுக்கு பரோல் கேட்டு விண்ணப்பிக்க முடியாது என்று பரப்பன அக்ரஹார விதிகள் கூறுகிறது என்பது குறிப்பிடத்தக்கது.