பிரபல பாடகரின் வாழ்க்கை வரலாற்று படத்தில் மக்கள் செல்வன்.!

பிரபல பாடகரான மலேசியா வாசுதேவனின் வாழ்க்கையை படமாக எடுக்கவுள்ளதாக நடிகர், பாடகர் மற்றும் அவரது மகனான யுகேந்திரன் கூறியதோடு, விஜய் சேதுபதியை அதில் நடிக்க வைக்க விரும்புவதாகவும் கூறியுள்ளார்.

விஜய் மற்றும் அஜித் இவர்களுக்கு அடுத்த இடத்தில் உயர்ந்து இருப்பவர் மக்கள் செல்வன் விஜய் சேதுபதி. இவர் சீனு ராமசாமி இயக்கத்தில் வெளியான தென்மேற்கு பருவக்காற்று என்ற தமிழ் படத்தின் மூலம் ஹீரோவாக அறிமுகமானார். தற்போது விஜய்யின் மாஸ்டர் படத்தில் வில்லனாக நடித்து முடித்துள்ளார். மேலும் இவர் தெலுங்கில் ‘Uppena’ படத்தில் வில்லனாகவும் நடிக்கவுள்ளார் . மேலும் இவர் காத்து வாக்குல ரண்டு காதல், யாதும் ஊரே யாவரும் கேளிர், துக்ளக் தர்பார், மாமனிதன், லாபம், இடம் பொருள் ஏவல், கடைசி விவசாயி, கா/பெ ரணாசிங்கம் உள்ளிட்ட படங்களில் நடிக்கவுள்ளார். அதனையடுத்து இந்தியில் லால் சிங் சத்தா என்ற படத்திலும், மலையாளத்தில் நடிகை மஞ்சு வாரியருடன் ஒரு படத்திலும் கமிட்டாகியுள்ளார்.

இந்த நிலையில் தற்போது பிரபல பாடகரான மலேசியா வாசுதேவனின் வாழ்க்கை வரலாற்றை படமாக எடுக்க அவரது மகனும், நடிகர் மற்றும் பாடகருமான யுகேந்திரன் திட்டமிட்டு ள்ளதாகவும், அதில் விஜய் சேதுபதியை நடிக்க வைக்க விரும்புவ தாகவும் பேட்டி ஒன்றில் கூறியுள்ளார். அதில் தனது தந்தையின் வாழ்க்கை குறித்தும், பாடி சினிமாவில் வருவதற்கு முன்பு ரப்பர் தோட்டத்தில் அவர் பட்ட கஷ்டங்கள் குறித்தும் ஒரு திரைப்படத்தை இயக்க விரும்புவதாகவும், அதற்கு விஜய் சேதுபதி தான் பொருத்தமாக இருப்பார் என்றும் கூறியுள்ளார்.

ஏனெனில் அவரால் மட்டுமே தந்தையான மலேசியா வாசுதேவனின் உடல்வாகுவை சரியாக வழங்க முடியும் என்று கூறியுள்ளார். விஜய் சேதுபதி ஏற்கனவே இலங்கை ஜாம்பவான முத்தையா முரளிதரன் அவர்களின் வாழ்க்கை வரலாற்று படத்தில் கையெழுத்திட்டதும், அதை ஸ்ரீபதி ரங்கசாமி இயக்குவதாகவும், ராணா டக்குபதி தயாரிப்பதாகவும் தகவல்கள் வெளியானது குறிப்பிடத்தக்கது.