இனி கூட்டுறவு வங்கிகள் ஆர்.பி.ஐ கட்டுப்பாட்டில் – அவசர சட்டத்திற்கு ஒப்புதல் 

கூட்டுறவு வங்கிகளை ரிசர்வ் வங்கியின் கட்டுப்பாட்டின் கீழ்  கொண்டு வருவதற்கான அவசர சட்டத்திற்கு ஒப்புதல்  அளிக்கப்பட்டுள்ளது.

டெல்லியில் பிரதமர் மோடி தலைமையில் அமைச்சரவை கூட்டம் நடைபெற்றது.இந்த கூட்டத்தில் பல்வேறு விவகாரங்கள் குறித்து ஆலோசிக்கப்பட்டது. இந்த கூட்டத்திற்கு பின்னர் மத்திய அமைச்சர் பிரகாஷ் ஜவடேகர் வீடியோ கான்பிரான்சிங் மூலமாக செய்தியாளர்களை சந்தித்தார்.

அப்பொழுது அவர் கூறுகையில்,கூட்டுறவு வங்கிகளை ரிசர்வ் வங்கியின் கட்டுப்பாட்டின் கீழ்  கொண்டு வருவதற்கான அவசர சட்டத்திற்கு ஒப்புதல்  அளிக்கப்பட்டுள்ளது.மொத்தமுள்ள 1,540 கூட்டுறவு வங்கிகளில் வைப்புத் தொகையாளர்களின் பணம் பாதுகாப்பாக இருக்கும்.மேலும் விண்வெளித் துறையில் தனியார் பங்களிப்பிற்கும் ஒப்புதல் பெறப்பட்டுள்ளது என்றும் தெரிவித்தார்.