வாய்ப்பு கிடைத்தும் முன்னணி நடிகரின் படத்தை மறுத்த மாஸ்டர் நாயகி

தெலுங்கு சினிமாவில் ரவி தேஜா நடிக்கும் படத்தில் நடிப்பதற்கு மாளவிகா மோகனை அணுகியதாகவும், அவர் நடிக்க மறுத்ததாகவும் கூறப்படுகிறது.

அறிமுகமான முதல் படமே சூப்பர் ஸ்டாரின் படத்தில் வாய்ப்பு கிடைத்தவர் தான் மாளவிகா மோகனன். கடந்தாண்டு கார்த்திக் சுப்பராஜ் இயக்கத்தில் ரஜினி நடிப்பில் வெளியான திரைப்படம் பேட்ட. இந்த படத்தில் மாளவிகா மோகனன் அவர்கள் சசிகுமாரின் மனைவியாக நடித்திருந்தார். அதனை தொடர்ந்து அவர் நடித்து கொண்டிருக்கும் திரைப்படம் மாஸ்டர். இப்படத்தில் விஜய்க்கு ஜோடியாக மாளவிகா மோகனன் நடிக்கிறார். இந்தப் படத்தை லோகேஷ் கனகராஜ் இயக்கியுள்ளார். இதில் அவர் கல்லூரி பேராசிரியராக நடிக்கிறார் என்று கூறப்படுகிறது தற்போது பரவி வரும் கொரோனா வைரஸ் காரணமாக ரிலீஸ் தள்ளி வைக்கப்பட்டுள்ளது. இந்த படத்தை எதிர்நோக்கி காத்திருக்கும் மாளவிகா மோகனனுக்கு தெலுங்கு படத்தில் நடிக்க வாய்ப்பு கிடைத்தாக கூறப்படுகிறது.

ஆம், தெலுங்கு சினிமாவின் முன்னணி நடிகர்களில் ஒருவராக திகழ்பவர் ரவி தேஜா. இவர் நடிக்கும் படத்தில் மாளவிகா மோகனை நடிக்க கோரி அவரை அணுகியதாக கூறப்படுகிறது. ஆனால் மாளவிகா மோகன் அந்த படத்தில் நடிக்க மறுத்ததாக தகவல்கள் வெளியாகியுள்ளன. இது அவரது தெலுங்கு ரசிகர்கள் இடையில் அதிருப்தியை ஏற்படுத்தியுள்ளது.