பல சினிமா பிரபலங்கள் வெளியிட்ட சமுத்திரக்கனியின் ‘ஆண் தேவதை’ பட டிரெய்லர்

சமுத்திரக்கனி, ரம்யா பாண்டியன், மோனிகா, ராதாரவி, இளவரசு, காளிவெங்கட் எனப் பலரும்  நடித்த படம் .பாலசந்தர், பாரதிராஜா இணைந்து நடித்த `ரெட்டச்சுழி’ படத்தை இயக்கியவர் தாமிரா. இவரது இயக்கத்தில் அடுத்ததாக உருவாகியிருக்கும் படம் `ஆண் தேவதை’.

இப்படத்தின் டிரெய்லரை மிஷ்கின், கௌதம் வாசுதேவ் மேனன், விஜய் சேதுபதி, வெற்றிமாறன், பா.இரஞ்சித், விஜய் ஆண்டனி, சீனு ராமசாமி, ஜெயம் ரவி, உதயநிதி ஸ்டாலின், கார்த்திக் சுப்புராஜ், ஏ.ஆர்.முருகதாஸ் எனப் பதினோரு சினிமா பிரபலங்கள் வெளியிட்டிருக்கிறார்கள்.

காசி விஸ்வநாதன் படத்தொகுப்பு செய்துள்ள இப்படத்திற்கு ஜிப்ரான் இசையமைத்திருக்கிறார். கோலி சோடா இயக்குநர் விஜய் மில்டன் இப்படத்திற்கு ஒளிப்பதிவு செய்திருக்கிறார். விரைவில் இப்படம் வெளியாகவிருக்கிறது.