#BREAKING: நெகட்டிவ் ஆன 25 பேருக்கு கொரோனா.!

தமிழகத்தில் முதலில் டெஸ்ட் செய்யும்போது நெகட்டிவ்  என வந்ததால் வீடு திரும்பிய  25 பேருக்கு மீண்டும்  கொரோனா வந்துள்ளது என சுகாதாரத்துறை அமைச்சர் விஜயபாஸ்கர் தெரிவித்துள்ளார்.

தமிழ்நாட்டில் இன்று 776 பேருக்கு கொரோனா தொற்று கண்டறியப்பட்டுள்ளது. இதனால், பாதிப்பு எண்ணிக்கை 13,191 லிருந்து 13,967ஆக உயர்ந்துள்ளது. சென்னையில் இன்று ஒரே நாளில் 567 பேருக்கு கொரோனா தொற்று உறுதி செய்யப்பட்டுள்ளது. இதையடுத்து, சென்னையில் கொரோனாவால் பாதிக்கப்பட்டோரின் எண்ணிக்கை 8,795 ஆக அதிகரித்துள்ளது.

இன்று 400 பேர் டிஸ்சார்ஜ் செய்யப்பட்டதால் குணமடைந்தோர்  எண்ணிக்கை 6,282  ஆக உயர்ந்துள்ளது என சுகாதாரத்துறை  தெரிவித்துள்ளது. கொரோனாவால் பாதிக்கப்பட்டு 7 பேர் இன்று உயிரிழந்தனர். இதனால், கொரோனாவால் உயிரிழந்தோர் எண்ணிக்கை 94 ஆக உயர்ந்துள்ளது.

இன்று செய்தியாளர்களை சந்தித்த சுகாதாரத்துறை அமைச்சர் விஜயபாஸ்கர், தமிழகத்தில் இன்று மட்டும்  முதலில் டெஸ்ட் செய்யும்போது நெகட்டிவ்  என வந்ததால் வீடு திரும்பிய  25 பேருக்கு மீண்டும்  கொரோனா வந்துள்ளது.  இதனால், கொரோனா பாதிப்பு தமிழ்கத்தில் புதிய சவலாகத்தான் உள்ளது என தெரிவித்துள்ளார்.