இன்று தொடங்குகிறது அக்கினி நட்சத்திரம்! வழக்கத்தை விட வெயிலின் தாக்கம் அதிகரிக்கும்!

இன்று தொடங்குகிறது அக்கினி நட்சத்திரம். வழக்கத்தை விட வெயிலின் தாக்கம் அதிகமாக காணப்படும். 

பொதுவாக கோடைகாலம் தொடங்கி விட்டாலே வெப்பத்தின் தாக்கம் அதிகமாக தான் காணப்படும். அந்த வகையில், தமிழகத்தை பொறுத்தவரையில், அக்கினி நட்சத்திரம் துவங்குவதற்கு முன்பதாக, சில மாவட்டங்களில் வெயில் வாட்டி வதைத்து தான் வருகிறது. 

ஏற்கனவே வெப்பத்தின் தாக்கம் அதிகமாக உள்ள நிலையில், இன்று காலை 8:57 மணிக்கு அக்கினி நட்சத்திரம் துவங்கவுள்ளது. இந்த அக்கினி நட்சத்திரம் தொடர்ந்து 24 நாட்களுக்கு நீடித்து, வரும் 28-ம் தேதி பகல் 1:51 மணியளவில் நிறைவடைகிறது.

இந்த வெப்பத்தின் தாக்கத்தில் இருந்து அதிகமான மக்கள் தப்பித்துக் கொள்ள வாய்ப்புள்ளது. எப்படியென்றால், கொரோனா வைரஸின் தீவிர பரவலை கட்டுப்படுத்தும் நோக்கில், தமிழகம் முழுவதும் ஊரடங்கு உத்தரவு பிறப்பிக்கப்பட்டுள்ளதால், வழக்கத்தை விட, வெளியில் நடமாடும் மக்கள் மற்றும் இருசக்கர வாகனங்களில் பயணம் செய்யும் மக்களின் நடமாட்டம் குறைவாக தான் இருக்கும். 

இந்த வெயிலின் தாக்கத்தில் இருந்து, நாம் தப்பித்து, நமது உடல் ஆரோக்கியத்தை பாதுகாத்துக் கொள்ள வேண்டுமானால், அதிகமாக வெளியில் வராமல் இருக்க வேண்டும். மேலும், உடலில் நீர்சத்து வற்றி போகாமல் இருக்க, நீர்ச்சத்துள்ள ஆகாரங்களை உட்கொள்ள வேண்டும்.