ஊரடங்கு நீட்டிப்பு ! ஐ.பி.எல். போட்டிகள் ஒத்திவைப்பு

மே 3 வரை ஊரடங்கு நீட்டிக்கப்பட்டுள்ளதால் ஐ.பி.எல். போட்டிகள் ஒத்திவைக்கப்படுவதாக தகவல் தெரிவிக்கப்பட்டுள்ளது.
முதலில் சீனாவில் பரவிய கொரோனா வைரஸ் நோயானது, தொடர்ந்து மற்ற நாடுகளிலும் தீவிரமாக பரவி வருகிறது. இந்த நோயின் தாக்கம் தற்போது இந்தியாவிலும் ஏற்பட்டுள்ளது.  இதனால், இந்திய அரசு பல முன்னெச்சரிக்கை நடவடிக்கைகளை மேற்கொண்டு வருகிறது.
முதலில் இந்தியா முழுவதும் 21 நாட்களுக்கு ஊரடங்கு உத்தரவு பிறப்பிக்கப்பட்டது. இதனையடுத்து இதற்குஇடையில் ஐபிஎல் போட்டிகள் நடைபெற இருந்தது. இதன் பின் ஐபிஎல் போட்டிகள் ஒத்திவைக்கப்படுவதாக அறிவிக்கப்பட்டது.இன்றுடன் ஊரடங்கு முடிவடைய இருந்த நிலையில் மே 3-ஆம் தேதி வரை நீட்டிக்கப்படுவதாக பிரதமர் மோடி அறிவித்தார்.
இந்நிலையில் ஊரடங்கு நீட்டிப்பால் ஐபிஎல் போட்டிகள் மே 3ஆம் தேதி வரை ஒத்திவைக்கப்படுவதாக  பிசிசிஐ வட்டாரங்கள் தகவல் தெரிவித்துள்ளது. மே 3 ஆம் தேதிக்கு பின் தொடரை நடத்தலாமா என பின்னர் அறிவிக்கப்படும் என்றும் தெரிவிக்கப்பட்டுள்ளது.