#Breaking : தமிழகத்தில் கொரோனா உயிரிழப்பு 9-ஆக அதிகரிப்பு.!

கொரோனா வைரஸ் இந்தியாவிலும் நாளுக்கு நாள் அதிகரித்து வருகிறது. இதுவரை இந்தியாவில் கொரோனா வைரஸ் பாதிக்கப்பட்டோர் எண்ணிக்கை 6,761-ஆக உள்ளது. 206 பேர் கொரோனாவிற்கு பலியாகியுள்ளனர். 

தமிழகத்தில் நேற்றுவரை 834-ஆக இருந்த கொரோனா பாதித்தவர்களின் எண்ணிக்கையானது. இன்று 911-ஆக உயர்ந்துள்ளது. இன்று மட்டுமே 77 பேருக்கு கொரோனா தொற்று உறுதியாகியுள்ளது.

தமிழத்தில் இதுவரை கொரோனாவால் உயிரிழந்தோர் எண்ணிக்கை 8ஆக இருந்து வந்தது. இன்று தூத்துக்குடியில் 71 வயது மூதாட்டி கொரோனா சிகிச்சை பெற்றுவந்த நிலையில் சிகிச்சை பலனின்றி உயிரிழந்தார். இதனால் தமிழகத்தில் கொரோனாவால் உயிரிழந்தோர் எண்ணிக்கை 9-ஆக உயர்ந்துள்ளது.

இன்று இறந்த மூதாட்டியின் மகனுக்கும், மருமகளுக்கும் கொரோனா தொற்று உறுதிசெய்யப்பட்டு சிகிச்சை பெற்று வருவது குறிப்பிடத்தக்கது.