மும்பை தாராவியில் மேலும் 5 பேருக்கு கொரோனா.! பாதிப்பு 22ஆக உயர்வு.!

மும்பை, தாராவியில் மேலும் 5 பேருக்கு கொரோனா தொற்று பாதிக்கப்பட்டுள்ளது. இதனால் அப்பகுதியில் பாதிப்பு எண்ணிக்கை 22 ஆக உயர்ந்தது.

இந்தியாவில் கொரோனாவின் தாக்கம் நாளுக்கு நாள் அதிகரித்த வண்ணம் இருக்கிறது. இதில், அதிகபட்சமாக மஹாராஷ்டிராவில் மட்டுமே 1,300க்கு அதிகமானோர் கொரோனாவால் பாதிக்கப்பட்டுள்ளனர். 97 பேர் இதுவரை கொரோனாவிற்கு பலியாகியுள்ளனர். 

மஹாராஷ்டிரா, மும்பை மாநகர் பகுதியில் மக்கள் நெருக்கமாக அதிகம் வசிக்கும் தாராவி பகுதியில் கொரோனா தொற்று பரவி வருகிறது. இதனால் அங்கு பல வீடுகள் தனிமைப்படுத்தப்பட்டுள்ளன. ஏற்கனவே 17 பேருக்கு கொரோனா உறுதியான நிலையில், தற்போது மேலும் 5 பேருக்கு கொரோனா தொற்று உறுதியாகியுள்ளது. இதில் 3 பேர் தமிழர்கள். இதனால் தாராவியில் மட்டும் கொரோனா தொற்று பாதிக்கப்பட்டோர் எண்ணிக்கை 22 ஆக உள்ளது. அப்பகுதியில் 3 பேர் உயிரிழந்துள்ளனர்.