தமிழகத்தில் 144 தடை உத்தரவை மீறியதாக 1,100 வழக்குகள் பதிவு

உலகளவில் அசுர வேகத்தில் பரவி வரும் கொரோனாவினால் பாதித்தவர்களின் எண்ணிக்கை அதிகரித்த வண்ணம் உள்ளது. இந்தியாவில் 600க்கு மேற்பட்டோர் பாதிக்கப்பட்ட நிலையில் 13  பேர் மடிந்துள்ளனர்.தமிழகத்தில் 26பேர் பாதிக்கப்பட்ட நிலையில் ஒருவர் பலியாகிய நிலையில் இந்தியாவில் தற்போது பாதிப்பு எண்ணிக்கையும் அதிகரிக்க துவங்கி உள்ளது.இந்நிலையில் தமிழகம் மட்டுமல்லாமல் நாடு முழுவதும் 144 ஊரடங்கு உத்தரவு பிறப்பிக்கப்பட்டுள்ளது.

இந்நிலையில் தற்போது கொரோனாவின் தாக்கம் சற்றே இந்தியாவில் தலைத்தூக்க துவங்கி உள்ளதாகவும் அதனை கட்டுப்படுத்த அதிதீவிர நடவடிக்கைகளை அரசுகள் எடுத்துவரும் நிலையில் 95 % வித மக்கள் இந்த ஊரடங்கு உத்தரவினை பின்பற்றிய நிலையில்  சிலர் இதனை மதிக்காமல் தடையை மீறி வாகனங்களில் சுற்றி திரிந்ததையும் அவர்களுக்கு காவல்துறையினர் வழங்கிய நூதன தண்டனைகளை பார்த்தோம்.இந்நிலையில் தமிழகத்தில் முதல்வர் பிறப்பித்த 144தடை உத்தரவினை மீறி வெளியே வாகனங்களில் சுற்றித்திரிந்ததாக   1,100 வழக்கள் பதியப்பட்டதாக முதற்கட்ட தகவல் வெளியாகியுள்ளது  குறிப்பிடத்தக்கது.