திமுக,அதிமுக சார்பில் அறிவிக்கப்பட்ட 6 பேரின் வேட்புமனுக்கள் ஏற்பு

திமுக மற்றும் அதிமுக சார்பில் அறிவிக்கப்பட்ட 6 பேரின் வேட்புமனுக்கள் ஏற்கப்பட்டுள்ளது.

தமிழகத்தில் இருந்து காலியாக உள்ள 6 மாநிலங்களவை  பதவிகளுக்கான வருகிற 26-ஆ ம் தேதி தேர்தல் நடக்கிறது. இதில் திமுக சார்பில் போட்டியிடும் திருச்சி சிவா, அந்தியூர் செல்வராஜ், என்.ஆர்.இளங்கோ ஆகியோர் வேட்பு மனு தாக்கல் செய்தனர். அதிமுக சார்பில் கட்சியின் துணை ஒருங்கிணைப்பாளர் கே.பி.முனுசாமி, பாராளுமன்ற முன்னாள் துணை சபாநாயகர் தம்பிதுரை, த.மா.கா. தலைவர் ஜி.கே.வாசன் ஆகியோர் வேட்பாளர்களாக அறிவிக்கப்பட்ட நிலையில் வேட்புமனுவையும் தாக்கல் செய்தனர்.

வேட்புமனு மீதான பரிசீலனை இன்று நடைபெற்றது.இதில் திமுக மற்றும் அதிமுக சார்பில் அறிவிக்கப்பட்ட 6 பேரின் வேட்புமனுக்கள் ஏற்கப்பட்டுள்ளது.எனவே  தமிழகத்தில் இருந்து மாநிலங்களவைக்கு போட்டியிட்ட 6 பேரின் வேட்பு மனுக்களும் ஏற்கப்பட்டதால் போட்டியின்றி தேர்வு செய்ய வாய்ப்பு உள்ளது.