தேர்தலையொட்டி பதுக்கி வைத்த மது பாட்டில் மற்றும் கள்ளச்சாராயத்தை அழித்த போலீசார்.. !!

ஆந்திர மாநிலத்தில் உள்ளாட்சி தேர்தல் வருகின்ற  21-ம் தொடக்கி 29-ம் தேதி வரை  4 கட்டங்களாக நடைபெற உள்ளது. இதனையொட்டி  அங்கு மதுக்கடைகளை மூட அரசு உத்தரவிட்டு உள்ளது.

இந்நிலையில்  உள்ளாட்சி தேர்தலையொட்டி மதுக்கடைகள் மூடப்பட்டுள்ளது.இதையெடுத்து  வாக்காளர்களுக்கு விநியோகம் செய்ய அனந்தபுரம் உள்ளிட்ட மாவட்டங்களில் மதுபாட்டில்கள் பதுக்கி வைத்திருப்பதாகவும் , நாட்டுச் சாராயம் காய்ச்சப்படுவதாகவும் போலீசாருக்கு தகவல் கிடைத்தது.

பின்னர் போலீசார் நடத்திய அதிரடி வேட்டையில் பீப்பாய்களில் இருந்த நாட்டுச் சாராயம் மற்றும் மூலப் பொருட்களை அழித்தனர். மேலும் பெட்டி பெட்டியாக இருந்த மது பாட்டில்களையும் பறிமுதல் செய்தனர்.