தேர்தல் நேரம் நிறைவு! பல இடங்களில் வாக்காளர்களுக்கு டோக்கன் கொடுத்து வாக்குப்பதிவு தீவிரம்!

• தமிழகம் 27 மாவட்டங்களில் உள்ள 156 ஊராட்சி ஒன்றியத்தில் உள்ளாட்சி தேர்தல் முதற்கட்டமாக நடைபெற்றது.
• தற்போது வாக்குப்பதிவு நேரம் நிறைவு பெற்றுள்ளது. வாக்கு பெட்டிகளுக்கு சீல் வைக்கும் பணி தொடங்கப்பட்டது.

தமிழகத்தில் இன்று 27 மாவட்டங்களில் உள்ள 156 ஊராட்சி ஒன்றியங்களில் உள்ளாட்சி தேர்தல் நடைபெற்றது. இந்த தேர்தலில் மாவட்ட ஊராட்சி வார்டு உறுப்பினர், ஒன்றிய வார்டு உறுப்பினர், ஊராட்சி தலைவர், வார்டு உறுப்பினர் என நான்கு பதவிகளுக்கும் தேர்தல் நடைபெற்றது.

இந்த தேர்தல் காலை 7 மணிக்கு தொடங்கியது. காலை முதலே வாக்குப்பதிவு விறுவிறுப்பாக நடைபெற்றுவருகிறது. வாக்காளர்கள் ஆர்வத்துடன் வாக்குகளை அளித்தனர். தற்போது மாலை 5மணியை தாண்டிவிட்டதால். பல வாக்குச்சாவடிகளில் வாக்காளர்கள் இல்லாததால் வாக்கு பெட்டிகளுக்கு சீல் வைக்கும் பணி ஆரம்பிக்கப்பட்டது.

பல வாக்கு சாவடிகளில் மக்கள் நீண்ட வரிசையில் காத்திருப்பதால் அவர்களுக்கு 5 மணிக்குள் டோக்கன் கொடுக்கப்பட்டு, பின்னர், டோக்கன் வாங்கியவர்கள் மட்டும் வாக்களிக்க அனுமதிக்கப்பட்டு வருகின்றன.