சபரிமலை சென்றுள்ள சிம்புவுக்காக காத்திருக்கும் இரண்டு படகுழுக்கள்!

• சிம்பு நடிப்பில் அடுத்ததாக உருவாக உள்ள திரைப்படம் மாநாடு,
• ஹன்சிகாவின் 50-வது திரைப்படமான மகா படத்தில் முக்கிய கதாபாத்திரத்தில் சிம்பு நடித்து உள்ளார்.

நடிகர் சிம்பு நடிப்பில் அடுத்ததாக உருவாக உள்ள திரைப்படம் மாநாடு. இப்பட ஷூட்டிங் வெகுநாட்களாக தொடங்கப்படாமல் இருந்தது. தற்போது ஒருவழியாக அடுத்த மாதம் ஆரம்பிக்கப்பட உள்ளது. இதற்கிடையில் சிம்பு சபரிமலை அய்யப்பன் கோவிலுக்கு மாலை அணிந்து விரதம் இருந்து தற்போது சபரிமலை சென்று உள்ளார். அவர் தரிசனம் முடித்துவிட்டு திரும்பி சிறிது நாட்கள் ஓய்வெடுத்துவிட்டு சூட்டிங்கில் கலந்து கொள்ள உள்ளார்.

அதன் பிறகு மாநாடு படம் தொடங்க உள்ளது. மாநாடு திரைப்படத்தை வெங்கட் பிரபு இயக்க உள்ளார். சுரேஷ் காமாட்சி இப்படத்தை தயாரிக்க உள்ளார். இதற்கிடையில் ஹன்சிகா நடித்துள்ள அவரது 50வது திரைப்படமாக உருவாகிவரும் மகா திரைப்படத்தில் முக்கிய கதாபாத்திரத்தில் சிம்பு நடித்து இருந்தார். அவரது காட்சிகள் சில பாக்கி இருக்கிறதாம் அதனால் அவர் சபரிமலை சென்று வந்தவுடன் அந்தப் படத்தின் சில காட்சிகள் எடுக்கப்பட உள்ளதாம்.

சிம்புவின் வருகைக்காக இந்த இரண்டு பட குழுக்களும் காத்திருக்கின்றனர் என கோலிவுட் வட்டாரங்கள் தெரிவிக்கின்றன.