பட்ஜெட் 2018ல் கூறப்பட்டுள்ள திட்டத்தால் ஸ்மார்ட்போன்களின் விலை உயரப்போகிறது…!!

டெல்லி: வரும் பிப்ரவரி முதல் ஸ்மார்ட்போன் விலை உயர வாய்ப்புள்ளதாக தகவல்கள் தெரிவிக்கின்றன.வரும் பிப்ரவரி முதல் வாரத்தில் மத்திய பட்ஜெட் தாக்கல் செய்யப்படவுள்ளது. அதில் இறக்குமதி செய்யப்படும் ஸ்மார்ட்போன் மீதான வரியை உயர்த்த மத்திய அரசு திட்டமிட்டுள்ளது.
இதனால் அதிக விலை மதிப்புள்ள போன்களின் விலை மேலும் உயரும் என்று எதிர்பார்க்கப்படுகிறது. இந்தியாவில் சீனா, கொரியா ஆகிய நாடுகளில் இருந்து இறக்குமதி செய்யப்படும் ஸ்மார்ட்போன்களை இந்தியர்கள் பயன்படுத்தும் எண்ணிக்கை அதிகரித்து வரும் வேளையில் மத்திய அரசின் இந்த திட்டத்தால் ஸ்மார்ட்போன்களை பயன்படுத்துவோர் எண்ணிக்கை குறையவும் வாய்ப்புள்ளது. இந்திய ஸ்மார்ட்போன் நிறுவனங்கள் வெளிநாடுகளில் இருந்து சுங்க வரி இல்லாத சர்கியூட் போர்டு, கேமரா, டிஸ்பிளே ஆகியவற்றை இறக்குமதி செய்து கொள்கின்றன.
இந்நிலையில் வரி இல்லாத இந்தப் பொருட்களுக்கு பட்ஜெட்டில் சுங்க வரி விதிக்கப்பட உள்ளது.இதனால் இந்தியாவில் அசம்பிள் செய்யப்படும் ஸ்மார்ட்போன்களும் வரி விதிப்பால் விலை உயரும் என்று கூறப்படுகிறது.இந்த நடவடிக்கைகள் மூலம் மேக் இன் இந்தியா திட்டத்தை தீவிரமாக செயல்படுத்த மத்திய அரசு திட்டமிட்டுள்ளது.