கௌதம் வாசுதேவ் மேனனின் 'மல்ட்டி ஸ்டார்' படத்தில் அனுஷ்கா…!!

நடிகை அனுஷ்கா ‘பாகுபலி-2’ படத்தை அடுத்து தற்போது ‘பாகமதி’ என்ற படத்தில் நடித்துள்ளார். இந்தப் படம் ஜனவரி 26-ந்தேதி வெளியாகிறது. இதற்கிடையில் உடல் எடை அதிகரித்த அனுஷ்கா அதனை குறைக்கும் பணியில் தீவிரமாக ஈடுபட்டு வந்தார் என்பது நாம் அனைவரும் அறிந்ததே.. . அதில் அவர் வெற்றியடைந்து தனது உடல் மெலிந்த சில புகைப்படங்களை இணையத்தில் வெளியிட்டிருந்தார். அதனை பார்த்த பின்பு, தனது மல்டி ஹீரோ படத்தில் அனுஷ்காவை நடிக்க வைக்க முடிவு செய்துள்ளார் கௌதம்மேனன். ஏற்கனவே, கௌதம் மேனன் இயக்கத்தில் அஜீத்துடன் ‘என்னை அறிந்தால்’ படத்தில் நடித்துள்ளார் அனுஷ்கா என்பது குறிப்பிடத்தக்கது. மேலும், கௌதம் மேனன் அனுஷ்காவை வழக்கமான டூயட் பாடும் நாயகியாக இல்லாமல், ஒரு அழுத்தமான கதாபாத்திரத்தில் நடிக்க வைக்கப்போகிறார் என்றும் தகவல் வெளியாகியுள்ளது.