பிரதமர் மோடி சகோதரர் மகளிடம் கைவரிசை காட்டிய திருடர்கள்…!

இந்திய பிரதமர் மோடியின் சகோதரர் மகள் தமயந்தி பென் மோடி. இவர் அமிர்தசரஸில் இருந்து டெல்லிக்கு நேற்று காலை வந்தார். தமயந்தி பென் மோடி பழைய டெல்லி ரயில் நிலையத்தில் இருந்து டில்லியில் உள்ள சிவில் லைன் பகுதிக்கு ஆட்டோவில் சென்று உள்ளார்.
அப்போது அவர் இறங்கும் போது அங்கு வந்த 2 மர்ம நபர்கள் அவர் கையில் வைத்து இருந்த பர்ஸை பறித்து தப்பித்து விட்டனர். இதனால் அதிர்ச்சி அடைந்த அவர் திருடன் திருடன் என கூச்சலிட்டார். அந்த பர்ஸில் அவர் ஐம்பதாயிரம் பணமும் , இரண்டு மொபைல்களும் சில முக்கிய ஆவணங்கள் இருந்ததாகவும் கூறினார்.
இந்த சம்பவம் நடந்தது அந்த அருகில் டெல்லி துணைநிலை ஆளுநர் ,  முதலமைச்சர் வீடுகள் உள்ளன. இந்த சம்பவம் தொடர்பாக தமயந்தி பென் மோடி போலீசில் புகார் கொடுத்தார்.இதைத்தொடர்ந்து போலீசார் அங்கிருந்த சிசிடிவி கேமராக்களை ஆய்வு செய்து குற்றவாளிகளை தேடி வந்தனர்.
இறுதியாக நோனு என்பவரை சிசிடிவி காட்சிகள் மூலமாக கைது செய்தனர். பின்னர் அவரிடம் இருந்து பணம் மற்றும் செல்போன்களை வாங்கியதாக போலீசார் தெரிவித்தனர்.