கங்குலி சாதனையை முறியடித்த விராட் கோலி ..! முதல் இடத்தில் டோனி ..!

இந்தியா , தென்னாப்பிரிக்கா இரு அணிகளும் மூன்று போட்டிகள் கொண்ட டெஸ்ட் தொடரில் விளையாடி வருகிறது.இன்று இரண்டாவது டெஸ்ட் போட்டி புனேவில் நடைபெற்று வருகிறது.
முதல் போட்டியில் இந்திய அணி 203 ரன்கள் வித்தியாசத்தில் வெற்றி பெற்றது. இந்நிலையில் இந்த  இரண்டாவது டெஸ்ட் போட்டி  மூலம் கோலி கேப்டனாக 50-வது டெஸ்ட் போட்டியில் கால் அடி எடுத்து வைக்கிறார். இதனால் கங்குலியின் டெஸ்ட் சாதனையை கோலி முறியடித்து உள்ளார்.
கோலி கடந்த 2014 முதல் 2019 வரை 50 டெஸ்ட் போட்டிகளுக்கு கேப்டனாக இருந்து உள்ளார். முன்னாள் கேப்டன் கங்குலி 49 டெஸ்ட் போட்டிகளில் கேப்டனாக இருந்து உள்ளார். இந்திய அளவில் அதிக டெஸ்ட் போட்டிகளில் கேப்டனாக இருந்தவர்கள் பட்டியலில்  கங்குலியை பின்னுக்கு தள்ளி இரண்டாம் இடம் பிடித்துள்ளார்.
முதல் இடத்தில் முன்னாள் கேப்டன் டோனி உள்ளார்.அவர் 60 டெஸ்ட் போட்டிகளில் இந்திய அணிக்கு கேப்டனாக செயல்பட்டுள்ளார் என்பது குறிப்பிடத்தக்கது.