ஹெரத் சாதனையை முறியடித்து..! டெஸ்ட் போட்டியில் புதிய சாதனை படைத்த ஜடேஜா..!

இந்தியா , தென் ஆப்பிரிக்கா இடையே முதல் டெஸ்ட் போட்டி நடைபெற்று வருகிறது. நேற்று  மூன்றாம் நாள் போட்டி நடைபெற்றது. நேற்றைய ஆட்ட முடிவில் தென் ஆப்பிரிக்க அணி 8 விக்கெட்டை இழந்து 385 ரன்கள் எடுத்தனர்.
இதில் அதிகபட்சமாக எல்கர் 160 ரன்கள் அடித்தார். இப்போட்டியில் எல்கர் விக்கெட்டை  வீரர் ரவீந்திர ஜடேஜா வீழ்த்தியதன் மூலம் டெஸ்ட் போட்டியில் தனது விக்கெட்டை 200 விக்கெட்டை  பதிவு  செய்தார்.
மேலும் டெஸ்ட் போட்டியில் அதிவேகத்தில் 200 விக்கெட் வீழ்த்திய முதல் இடது கை பந்துவீச்சாளர் என்ற சாதனையை ரவீந்தர் ஜடேஜா படைத்துள்ளார். இதற்கு முன் இலங்கை வீரர் ஹெரத் 47 டெஸ்ட் போட்டியில் 200 விக்கெட் வீழ்த்தி சாதனையாக இருந்தது தற்போது அந்த சாதனையை ரவீந்தர் ஜடேஜா 44 போட்டிகளில் வீழ்த்தி முறியடித்துள்ளார்.
மேலும் இந்தியா சார்பில் அதிவேகமாக 200 விக்கெட் வீழ்த்திய இரண்டாவது வீரர் என்ற பெருமையை பெற்றார். இதற்கு முன் அஸ்வின் 37 போட்டிகளில் 200 விக்கெட் வீழ்த்தி உள்ளார். இதை தொடர்ந்து இந்திய அணி சார்பில் டெஸ்ட் போட்டியில் 200-க்கு மேல் விக்கெட்  எடுத்த பத்தாவது வீரர் என்ற பெருமையை ரவிந்திர ஜடேஜா பெற்றுள்ளார் என்பது குறிப்பிடத்தக்கது.