இன்று எனது சகோதரர் சிதம்பரம்,நாளை நான்- மேற்கு வங்க முதலமைச்சர்  மம்தா பானர்ஜி 

இன்று அவர்கள் எனது சகோதரர் சிதம்பரத்தை அழைத்து இருக்கிறார்கள், நாளை அவர்கள் என்னை அழைக்கலாம் என்று மேற்கு வங்க முதலமைச்சர்  மம்தா பானர்ஜி  தெரிவித்துள்ளார்.

ஐஎன்எக்ஸ் மீடியா வழக்கில் முன்னாள் மத்திய நிதியமைச்சர் சிதம்பரம் சிபிஐ காவலில் உள்ளார். இந்த நிலையில்  மேற்கு வங்க மாநிலம் கொல்கத்தாவில் நிகழ்ச்சி ஒன்றில் அம்மாநில முதலமைச்சர்  மம்தா பானர்ஜி  பங்கேற்று பேசினார்.அப்பொழுது அவர் பேசுகையில்,இனிமேல் ஒரே தேர்தல், ஒரே தலைவர்,ஒரே அரசியல் கட்சி,ஒரே நெருக்கடி நிலை என்ற நிலை கண்டிப்பாக வரும்.

மத்திய அரசி  அரசியல் கட்சிகளை குறிவைப்பதற்கு சி.பி.ஐ, அமலாக்கத்துறை போன்ற  அமைப்புகளை பயன்படுத்துகிறது. இன்று அவர்கள் எனது சகோதரர் சிதம்பரத்தை அழைத்து இருக்கிறார்கள். நாளை அவர்கள் என்னை அழைக்கலாம். நான் சிறைக்கு போகத்தயார். ஆனால் பாஜகவின் இனவாத அரசியலுக்கு ஒருபோதும் அடிபணிய மாட்டேன்.