ஆஷஸ் போட்டி :ஆஸ்திரேலியாவிடம் 71 வருடத்திற்கு பிறகு குறைந்த ரன்னில் சுருண்ட இங்கிலாந்து அணி ..!

ஆஸ்திரேலியா மற்றும் இங்கிலாந்து ஆகிய இரு அணிகளுக்கு இடையிலான ஆஷஸ் தொடர் நடைபெற்று வருகிறது. இந்த தொடரின் மூன்றாவது டெஸ்ட் போட்டி நேற்று  தொடங்கியது இப்போட்டியில் டாஸ் வென்ற இங்கிலாந்து அணி முதலில் பந்து வீச்சை தேர்வு செய்தது.

முதலில் பேட்டிங் செய்த ஆஸ்திரேலிய அணி தொடக்க வீரரான டேவிட் வார்னர் 61ரன்கள் எடுத்தார். பின்னர்  மத்தியில் களமிறங்கிய மார்னஸ் 74 ரன்கள் குவித்தார். மற்ற வீரர்கள் சொற்ப ரன்களில் வெளியேற நேற்றைய ஆட்ட முடிவில் 52.1 ஓவரில் ஆஸ்திரேலிய அணி அனைத்து விக்கெட்டுகளையும் இழந்து 179 ரன்கள் எடுத்தது.ஆர்ச்சர் 6 விக்கெட்டை பறித்தார்.

இன்று தனது முதல் இன்னிங்சை தொடங்கிய இங்கிலாந்து அணி ஆடும் தொடக்கத்திலேயே விக்கெட்டை இழந்து தடுமாறியது. பின்னர் களமிறங்கிய அனைத்து வீரர்களும் சொற்ப ரன்களில் வெளியேற இங்கிலாந்து அணி 27.5 ஓவரில் அனைத்து விக்கெட்டையும் இழந்து 67 ரன்கள் மட்டுமே எடுத்தது. இங்கிலாந்து அணியில் அதிகபட்சமாக ஜோ டென்லி 12 ரன்கள் குவித்தார்.

இதற்கு முன்பு 1948-ம் ஆண்டு ஆஸ்திரேலியாவுக்கு எதிராக 58 ரன்கள் எடுத்து  இங்கிலாந்து அணி அனைத்து விக்கெட்டையும் இழந்தது. அதன் பின்னர் தற்போது குறைந்த ரன்னில் அனைத்து விக்கெட்டையும் இழந்து இருப்பது குறிப்பிடத்தக்கது.