காயம் காரணமாக வெஸ்ட் இண்டீஸு க்கு எதிரான தொடரில் இருந்து பிருத்வி ஷா விலகல் !
வருகின்ற 11-ம் தேதி இந்திய ஏ அணி வெஸ்ட் இண்டீஸு க்கு சுற்று பயணம் மேற்கொண்டு அங்கு 5 ஒருநாள் போட்டியில் விளையாட உள்ளது. மணீஷ் பாண்டே தலைமையில் இந்திய ஏ அணியும் , வெஸ்ட் இண்டீஸ் அணியின் ஏ அணியும் மோத உள்ளது.
இந்த போட்டியில் பிருத்வி ஷா , ரிஷாப் பண்ட் ,மயங்க் அகர்வால் ஆகியோர் இடம் பிடித்து உள்ளனர். ஆனால் உலகக்கோப்பையில் தவான் காயம் காரணமாக வெளியேற அவருக்கு பதில் ரிஷாப் பண்ட் களமிறங்கினார்.
பின்னர் தமிழக வீரர் விஜய் சங்கருக்கும் காயம் ஏற்பட அவருக்கு பதில் மயங்க் அகர்வால் இந்திய அணியில் சேர்க்கப்பட்டு உள்ளார்.இதனை தொடர்ந்து இவர்களுக்கு பதிலாக விக்கெட் கீப்பரும் ,பேட்ஸ்மேனுமான இஷான் கிஷன் ,அன்மோல்ப்ரீதி சிங் ஆகிய இருவரும் இடம் பெற்றனர்.
இந்நிலையில் தொடக்க வீரருமான பிருத்வி ஷா காயம் அடைந்து உள்ளதால் தற்போது அவருக்கு பதிலாக மகாராஷ்ட்ராவை சார்ந்த தொடக்க வீரர் ருதுராஜ் கெய்க்வாட் சேர்க்கப்பட்டு உள்ளார்.
