திமுக தனித்துப் போட்டியிட வேண்டும்! எனது கருத்தை முன்வைத்தேன்-கே.என்.நேரு

தண்ணீர் பிரச்னையை கண்டித்து திருச்சியில் திமுக சார்பில் ஆர்ப்பாட்டம் நடைபெற்றது.இதில் திமுகவின் கே.என்.நேரு பேசுகையில், காங்கிரசுக்கு இன்னும் எத்தனை காலம்தான் திமுக பல்லாக்கு தூக்குவது? என்றும்  உள்ளாட்சித் தேர்தலில் திமுக தனித்துப் போட்டியிட வேண்டும்  என்று பேசினார்.இவரது பேச்சு திமுக மற்றும் காங்கிரஸ் கூட்டணி இடையே பெரும் சலசலப்பை ஏற்படுத்தியது.மேலும் திமுக மற்றும் காங்கிரஸ் கூட்டணி முறிவா என்றும் கேள்வி எழுந்தது.
இதன் பின்னர் இது தொடர்பாக கே.என்.நேரு விளக்கம் அளித்தார்.அப்போது கூறுகையில்,உள்ளாட்சி தேர்தலில் திமுக தனித்துப் போட்டியிட வேண்டும் என்பது திமுகவின் குரல் அல்ல .ஒரு மாவட்ட செயலாளராக எனது கருத்தை முன்வைத்தேன், இது குறித்து திமுக தலைவர் தான் முடிவு எடுப்பார் என்று தெரிவித்துள்ளார்.