கொரில்லா படத்தில் நடிக்கும் குரங்கு இவ்வளவு சேட்டைகள் செய்துள்ளதா?
இயக்குனர் டான் சாந்தி இயக்கத்தில் உருவாகியுள்ள திரைப்படம் கொரில்லா. இப்படத்தில், நடிகர் ஜீவா மற்றும் அவருக்கு ஜோடியாக ஷாலினி பாண்டே நடித்துள்ளார். இப்படம் குறித்து ஜீவா அவர்கள் கூறுகையில், இப்படத்தில் நடித்துள்ள சிம்பண்சியின் சேட்டைகள் குறித்து கூறியுள்ளார்.
இதுகுறித்து அவர் கூறுகையில், படப்பிடிப்பின் போது, சிம்பன்சி குரங்கிடம் அடி, உதை, குத்து வாங்காதவர்களே கிடையாது. அதன் மனநிலை நன்றாக இருந்தால், நன்றாக நடிக்கும், சில நேரங்களில் பயங்கரமாக அடிக்கும் என தெரிவித்துள்ளார்.
மேலும், எவ்வளவு சேட்டைகள் செய்தாலும், சிறிது நேரத்தில் மனம் மாறி குழந்தை போல பழக ஆரம்பித்து விடும் என்றும், இப்படத்திற்காக இரண்டு சிம்பன்சிகளை தத்தெடுத்ததாகவும் தெரிவித்துள்ளார்.
