தேர்ச்சி பெறாத 1500 ஆசிரியர்கள்!விதிவிலக்கு அளிக்க வேண்டும் -ஜாக்டோ ஜியோ கோரிக்கை

ஆசிரியர் தகுதி தேர்வு முடிக்காத 1500 ஆசிரியர்களுக்கு விதிவிலக்கு அளிக்க வேண்டும் உள்ளிட்ட 3 கோரிக்கைகளை தமிழக அரசு வரும் 25ம் தேதிக்குள் நிறைவேற்ற வேண்டும் என்று ஜாக்டோ ஜியோ தெரிவித்துள்ளது.

2014 மற்றும்  2015 ஆம் ஆண்டுகளில் ஆசிரியர் தகுதித்தேர்வு எழுதாமல் பணியில் சேர்ந்த ஆசிரியர்களுக்கு தகுதித்தேர்வில் தேர்ச்சி பெறுவதற்கு 5 ஆண்டுகால அவகாசம்  கொடுக்கப்பட்டது.இதில்  தேர்ச்சி பெறாத சுமார் 1500 ஆசிரியர்களுக்கு ஊதிய உயர்வு உள்ளிட்ட  சலுகைகள் நிறுத்தி வைக்கப்பட்டது.

இது தொடர்பாக ஜாக்டோ ஜியோ அறிவிப்பு ஒன்றை வெளியிட்டுள்ளது.அதில்,  ஆசிரியர் தகுதி தேர்வு முடிக்காத 1500 ஆசிரியர்களுக்கு விதிவிலக்கு அளிக்க வேண்டும் உள்ளிட்ட 3 கோரிக்கைகளை தமிழக அரசு வரும் 25ம் தேதிக்குள் நிறைவேற்ற வேண்டும். நிறைவேற்றாவிட்டால் 27-ம் தேதி மீண்டும் சென்னையில் கூடி அடுத்தக்கட்ட முடிவு எடுப்போம்  என்று ஜாக்டோ ஜியோ அறிவிப்பு வெளியிட்டுள்ளது.