இது சமீரா ரெட்டியா? என்ன ஆச்சு அவர்களுக்கு?

நடிகை சமீரா ரெட்டி வெடி, வேட்டை உள்ளிட்ட தமிழ் படங்கள் சிலவற்றில் நடித்துள்ளார். இதன் மூலம் சமீரா தமிழ் சினிமாவுக்கு அறிமுகமானார். இவருக்கு பின்பு வந்த நடிகைகள் இவரை ஓவர் டேக் செய்துவிட்டனர்.

இந்நிலையில், இவர் 2014-ம் ஆண்டி அக்ஷய் வர்தே என்ற தொழிலதிபரை திருமணம் செய்து கொண்டார். இவருக்கு ஹன்ஸ் என்ற ஒரு மகனும் உள்ளார். ஹன்ஸ் வயிற்றில் இருக்கும் போது இவர் 32 கிலோ எடை அதிகரித்து இவர் 102 கிலோ எடை உடையவராக இருந்தார்.

இதுகுறித்து கூறிய அவர், எனது உடல் தோற்றத்தை பார்க்கும் போது, எனக்கே என்னை அடையாளம் தெரியாமல் பொய் விட்டது. நான் வீட்டை விட்டு வெளியே சென்றாலே, இது சமீரா ரெட்டியா? என்ன ஆச்சு அவர்களுக்கு? என கேள்விகள் எழத்தொடங்கின. இது அவரை மிகவும் பாதித்ததாக கூறியுள்ளார்.

மேலும், அவர் கூறுகையில், எனது பிரசவ நேரத்தில் அலோபேஷியா அரேட்டா என்ற நோயால் பாதிக்கப்பட்டிருந்தால், அவரது முடிகள் எல்லாம் உதிர்ந்துவிட்டதாக கூறியுள்ளார். ஆனால், நான் இவை எல்லாவற்றையும் தாண்டி ஒரு நல்ல தாயாக, நல்ல மனைவியாக செயல்பட்டேன் என்று கூறியுள்ளார். தற்போது இவர் தனது இரண்டாவது குழந்தைக்கு தாயாக உள்ளார்.